Just In
'ஏக் தோ தீன் சார்..' : லெஹெங்காவில் புஷ்-அப் செய்யும் பெண்.. இண்டெர்நெட்டை விளாசும் வைரல் வீடியோ..!
இளம் பெண் ஒருவர் லெஹெங்கா உடை அணிந்து புஷ்-அப் எடுக்கும் வீடியோ ஒன்று இன்ஸ்டாகிராமில் பெரும் வரவேற்பை பெற்றுள்ளது.
கொரோனா காலத்தில் ஊரடங்கு காலத்தில் பலரும் தங்களுடைய உடற்பயிற்சி தொடர்பான வீடியோக்களை பதிவிட்டு வருகின்றனர். அதில் சிலர் சேலஞ்சும் செய்து வருகின்றனர். அந்தவகையில் தற்போது பெண் ஒருவர் தன்னுடைய இன்ஸ்டாகிராம் பக்கத்தில் புஷ்-அப் எடுக்கும் வீடியோ ஒன்று மிகவும் வைரலாகி உள்ளது. அப்படி அந்த வீடியோ வைரலாக காரணம் என்ன?
அனா அரோரா என்ற பெண் ஒருவர் உடற்பயிற்சி பயிற்சியாளராக இருந்து வருகிறார். இவர் தன்னுடைய இன்ஸ்டாகிராம் பக்கத்தில் உடற்பயிற்சி செய்வதுபோல் அவ்வப்போது பல வீடியோக்களை பதிவேற்றி வருகிறார். அந்தவகையில் சமீபத்தில் தன்னுடைய இன்ஸ்டாகிராம் பக்கத்தில் ஒரு வீடியோ ஒன்றை பதிவிட்டுள்ளார். அதில் அவர் திருமணத்தின்போது அணியும் உடைகளில் ஒன்றான லெஹெங்காவை அணிந்துகொண்டு புஷ்-அப் எடுக்கும்படி காட்சிகள் இடம்பெற்றுள்ளன. இந்த வீடியோவை பலரும் வியந்து பார்த்து வருகின்றனர்.
இந்த வீடியோவிற்கு தற்போது வரை 5 லட்சத்திற்கும் மேற்பட்டவர்கள் லைக் செய்துள்ளனர். மேலும் பலரும் இந்த வீடியோவை பகிர்ந்துள்ளனர். இந்த வீடியோ தவிர அவர் தன்னுடைய இன்ஸ்டாகிராம் பக்கத்தில் உடற்பயிற்சி செய்யும் வேறு சில வீடியோக்களையும் பதிவிட்டுள்ளார். அந்த வீடியோக்களும் பெரியளவில் வரவேற்பை பெற்றுள்ளன.
இவ்வாறு தொடர்ந்து அவர் சில வீடியோக்களை பதிவிட்டு வந்தாலும் இம்முறை திருமண உடையுடன் அவர் செய்த புஷ்-அப் என்பதால் அந்த வீடியோ மக்களிடம் பெரும் வரவேற்பை பெற்றுள்ளது. அத்துடன் அதிக லைக்ஸூம் பெற்றுள்ளது. சமீப காலங்களில் இதுபோன்ற வீடியோக்கள் வைரலாகி வருவது குறிப்பிடத்தக்கது.
மேலும் படிக்க: அதே கார்... அதே வழக்கு... அதே நீதிபதி... விஜய்க்கு பதில் தனுஷ்! சொகுசு கார் வரி விலக்கில் நாளை தீர்ப்பு!