நடிகர் ஜெயராமின் மகள் மாளவிகா திருமணம் இன்று காலை குருவாயூர் கோயிலில் நடைபெற்றது. இந்நிலையில் இது தொடர்பான புகைப்படங்கள் வெளியாகி உள்ளன.
ஜெயராமின் மகன் காளிதாஸுக்கு சமீபத்தில் நிச்சயதார்த்தம் நடைப்பெற்றது. கடந்தாண்டு இறுதியில் ஜெயராமின் மகள் மாளவிகா நிச்சயதார்த்தம் நடைபெற்றது. நவனீத் கிரிஷ் என்பவருடன் மாளவிகாவிற்கு கூர்கில் நிச்சயம் நடைபெற்றது. இது தொடர்பான புகைப்படங்கள் மற்றும் வீடியோக்களை தனது இன்ஸ்டாகிராம் பக்கத்தில் நடிகர் ஜெயராமன் அப்போது வெளியிட்டிருந்தார். மேலும் தனக்கு இன்னொறு மகன் கிடைத்து விட்டார் எனவும் குறிப்பிட்டிருந்தார்.
இந்நிலையில், நவ்னீத் கிரிஷ் -க்கும், மாளவிகாவிற்கும் இன்று குருவாயூர் கோயிலில் திருமணம் நடைபெற்றது. நவ்னீத் கிரிஷ் லண்டனில் சார்டட் அக்கவுண்டண்டாக வேலை பார்த்து வருகிறார். அவரும் மாளவிகாவும் காதலித்து வந்த நிலையில், அவர்களின் திருமணம் இன்று இருவீட்டார் சம்மதத்துடன் நடைபெற்றது.
தென்னிந்திய சினிமாவின் பிரபல நடிகர் ஜெயராமின் மகள் திருமணத்திற்கு பல்வேறு சினிமா பிரபலங்கள் வாழ்த்து தெரிவித்து வருகின்றனர். மேலும் ஜெயராமின் ரசிகர்களும் மாளவிகாவின் திருமணத்திற்கு வாழ்த்து தெரிவித்து வருகின்றனர்.
தென்னிந்திய சினிமாவில் ஜெயராம் பிரபல நடிகர் ஆவார். கடந்த ஆண்டு தமிழில் வெளியான பொன்னியின் செல்வன் 2 படத்தில் ஜெயராம் நடித்திருந்தார். இந்த நிலையில் கடந்த ஜனவரியில் ஜெயராம் நடிப்பில் ஆப்ரஹாம் ஓஸ்லர் என்ற திரைப்படம் வெளியாகி ஏராளமான ரசிகர்களின் கவனத்தை ஈர்த்தது.
க்ரைம் திரில்லர் ஜானரில் உருவாகியிருந்த இந்த திரைப்படத்தில் ஜெயராம் ஆப்ரஹாம் ஓஸ்லர் என்ற டைட்டில் கேரக்டரில் நடித்திருந்தார். அஞ்சாம் பதிரா உள்ளிட்ட படங்களை இயக்கிய மலையாள இயக்குனர் மிதுன் மானுவல் தாமஸ் இந்த படத்தை இயக்கினார். இந்த படம் ஜெயராமிற்கு மிகப்பெரிய கம்பேக்கை கொடுத்தது. இத்திரைப்படத்திற்கு தேனீ ஈஸ்வர் ஒளிப்பதிவு செய்திருந்த நிலையில் மிதுன் முகுந்தன் இசையமைத்திருந்தது குறிப்பிடத்தக்கது.
மேலும் படிக்க
Sivaji Ganesan: மாதம் ரூ.250 சம்பளம்.. நாடகத்தில் இருந்து சினிமாவுக்கு வந்த சிவாஜி கணேசனின் கதை!