விஜய் தொலைக்காட்சியில் ஒளிபரப்பாகும் தொடர் குக் வித் கோமாளி. இந்த தொடர் மூலமாக மிகவும் பிரபலமானவர் ஷிவாங்கி. இவரது குறும்புத்தனத்திற்கும், பாடலுக்கும் பலரும் ரசிகர்களாக உள்ளனர். அவருக்கு கிடைத்த நல்ல வரவேற்பால் தமிழ் சினிமாவிலும் தற்போது நடிகையாக அறிமுகமாகியுள்ளார். சமீபத்தில் வெளியாகியுள்ள சிவகார்த்திகேயன் நடித்த டான் படத்திலும் நடித்துள்ளார். இந்த நிலையில், குக் வித் கோமாளியின் லேட்டஸ்ட் எபிசோடில் ஷிவாங்கி பேசியது ரசிகர்களால் வைரலாக பகிரப்பட்டு வருகிறது. அந்த எபிசோடில் ஷிவாங்கியிடம் உங்களுக்கு எப்படிப்பட்ட காதலர் வேண்டும் என்று கேட்கப்பட்டது.
அதற்கு பதிலளித்த அவர், தனக்கு விஜய் தேவரகொண்டா போல ஒருவர் காதலராக கிடைக்க வேண்டும் என்று கூறியுள்ளார். அவரது கருத்திற்கு ரசிகர்கள் பலவிதமாக கருத்துக்களை பகிரந்து வருகின்றனர். அர்ஜூன் ரெட்டி படம் மூலமாக விஜய் தேவரகொண்டா இந்தியா முழுவதும் மிகவும் பிரபலமானார் என்பது குறிப்பிடத்தக்கது.
மேலும் படிக்க : HBD Santhosh Narayanan: "படத்தில் இசையும் ஒரு கதை சொல்லும்" - இசையமைப்பாளர் சந்தோஷ் நாராயணன் பிறந்தநாள் ஸ்பெஷல்!
குக் வித் கோமாளி தொடர் மிகவும் பிரபலம் அடைந்ததற்கு நடிகை ஷிவாங்கியின் பங்கு மிகவும் முக்கியமானது. அவரது குறும்புத்தனத்திற்காகவே பலரும் இந்த ஷோவை ரசித்து பார்த்து வருகின்றனர். இந்த நிகழ்ச்சியில் பங்கேற்ற அஸ்வினும், சிவாங்கியும் காதலிப்பதாக தகவல்கள் பரவியது. ஆனால், இருவரும் தாங்கள் காதலிப்பதாக இதுவரை வெளியில் தெரிவித்ததில்லை. அதேசமயம் இந்த தகவல் குறித்து பெரிதாக மறுப்பும் தெரிவித்ததில்லை.
அஸ்வின் தற்போது நடிகராக மாறி திரைப்படங்களில் கவனம் செலுத்தி வருகிறார். அஸ்வின் நடிப்பில் என்ன சொல்ல போகிறாய் என்ற திரைப்படம் கடந்தாண்டு வெளியானது என்பது குறிப்பிடத்தக்கது. சிவாங்கி தற்போது தனக்கு வரப்போகும் காதலர் விஜய் தேவரகொண்டா போல இருக்க வேண்டும் என்று கூறியிருப்பதால், அப்போ அஸ்வினின் கதி என்ன? என்று பலரும் சமூக வலைதளங்களில் வேடிக்கையாக கேள்வியும் எழுப்பி வருகின்றனர்.
மேலும் படிக்க : Vidyasagar: "எனக்கும் தரணிக்கும் 'தூள்' பட பாட்டால பெரிய சண்டை" - வித்யாசாகர் ஓபன் அப்!
மேலும் படிக்க : Actor Ramar: நானும் சிவகார்த்திகேயனும் ஆடிஷன் போனோம்.. சினிமா கொஞ்சம் கஷ்டம் - மனம் திறந்த ராமர்
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்