தமிழ் திரையுலகின் முன்னணி நட்சத்திரம் அஜித். இவருக்கு தமிழ்நாட்டில் கோடிக்கணக்கான ரசிகர்கள் உள்ளனர். இவர் நடிகை ஷாலினியை காதலித்து திருமணம் செய்து கொண்டார். நடிகர் அஜித் – ஷாலினி தம்பதியினருக்கு இன்று 22-வது திருமண நாள் ஆகும். அமர்க்களம் படத்தில் இருவரும் இணைந்து நடித்தபோது காதல் வயப்பட்டு பின்னர் திருமணம் செய்துகொண்டனர். அப்போது, நடந்த ஒரு சுவாரஸ்யமான நிகழ்வு ஒன்று இப்போது வெளியாகியுள்ளது.
நடிகர் அஜித்தின் திரைத்துறையில் உள்ள நண்பர்களில் ஒருவர் ரமேஷ்கண்ணா. திரைக்கதை ஆசிரியர் மற்றும் நடிகரான இவர் ரஜினி, கமல், விஜய், அஜித், சூர்யா, மாதவன் என தமிழ் திரையுலகின் அனைத்து முன்னணி நடிகர்களுக்கும் நண்பனாக நடித்துள்ளார். இவர் ஒரு முறை அமர்க்களம் படப்பிடிப்பின்போது படப்பிடிப்பு தளத்திற்கு வந்திருந்தார்.
அஜித் தமிழ் சினிமாவில் மாஸ் ஹீரோவாக உருவெடுத்துக் கொண்டிருந்த காலம் அது. அப்போது, அவர் அஜித்திடம் நடிகையை மட்டும் திருமணம் செய்துகொள்ள வேண்டாம் என்று அறிவுரை கூறியுள்ளார். அப்போது, ஷாலினி – அஜித் காதல் விவகாரம் ரமேஷ் கண்ணாவிற்கு தெரியாது. அதனால், அவர் அப்படி கூறியுள்ளார். அஜித்தும் ரமேஷ் கண்ணாவின் அறிவுரையை எந்த ஆட்சேபனையும் கூறாமல் புன்னகையுடன் கேட்டுக்கொண்டே இருந்தார்.
ஆனால், அமர்க்களம் படம் வெளியாகி தமிழ்நாட்டில் வசூலில் மாபெரும் சாதனை படைத்தது. அஜித்தின் கரியரில் அமர்க்களம் மிகவும் முக்கியமான படமாகவும் அமைந்தது. அஜித் –ஷாலினி திருமணம் 2000-ஆம் ஆண்டு ஏப்ரல் 24-ஆம் தேதி நடைபெற்றது. அஜித்தின் நடிப்பில் வலிமை திரைப்படம் கடந்த பிப்ரவரி 24-ஆம் தேதி வெளியாகி மாபெரும் வெற்றி பெற்றது. தற்போது அஜித் - எச்.வினோத் கூட்டணியில் மீண்டும் பெயரிடப்படாத படத்தில் நடித்து வருகிறார். இந்த படத்தையும் போனி கபூர் தயாரிக்கிறார். அஜித்தின் பிறந்தநாளான மே 1 இந்த படம் குறித்த முக்கிய அறிவிப்பு வெளியாகும் என்று எதிர்பார்க்கப்படுகிறது.
மேலும் படிக்க : "9 மாசம்.. ஹவுஸ் ஓனர் வீட்டு நாய் கூட சின்ன ரூம்ல தங்குனேன்” : ’கோவா’ நடிகை பியா சொல்லும் பகீர்..
மேலும் படிக்க : Madan Gowri : மதன்கௌரியை ஒருமையில் திட்டிய நடிகை காஜல்...! ஏன் தெரியுமா..?
மேலும் படிக்க : Nazriya Nazim: நீங்க முஸ்லீம் பொண்ணு.. ஆனா படத்துல..! வில்லங்க கேள்வி.. நஸ்ரியா அளித்த நச் பதில்.!
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்