பெங்களூரில் வசித்து வரும் ராகுல் என்பவர், ஐ.டி துறையில் வேலை பார்த்து வந்துள்ளார். கடந்த சில தினங்களுக்கு முன்பு அவர் தனது வேலையை இழந்துள்ளார். மேலும், கிரிப்டோகரன்சி முதலீட்டில் பல இழப்புகளை சந்தித்துள்ளார். இதனால் வாங்கிய கடனை செலுத்த முடியாமல், மிகவும் சிரமப்பட்டு உள்ளார். பின்னர் கடனை செலுத்தவதற்காக, உறவினர்களின் வீட்டில் இருந்த நகையை திருடியுள்ளார்.
குழந்தை கொலை:
நகை காணாமல் போனதால், கண்டுபிடித்து தருமாறு காவல் துறையில் உறவினர்கள் புகார் கொடுத்துள்ளனர். இந்நிலையில் ராகுல், அவரது மகளை நவம்பர் 15 ஆம் தேதி பள்ளிக்கு கூட்டி செல்வது போன்று, அவரை வெளியே அழைத்துச் சென்றுள்ளார். பின்னர் இருவரும் காணாமல் போனார்கள் என்று தகவல்கள் வெளியானது.
பின்னர், அடுத்த நாள் காலை, ஏரியில் குழந்தையின் உடல் கண்டுபிடிக்கப்பட்டது. இச்சம்பவம் நடந்ததையடுத்து, காவல்துறையினர் நடத்திய தொடர் விசாரணையில், ராகுலின் மகள் என்பது கண்டறியப்பட்டது. மேலும் குழந்தையை, அவரது தந்தை தான் கொலை செய்தார் என்பதை காவல்துறையினர் கண்டறிந்தனர்.
விசாரணை:
அவரிடம் காவல்துறையினர் நடத்திய தொடர் விசாரணையில், அவர் தெரிவிக்கையில் வேலை இழந்து கடன் தொல்லையால் மிகவும் சிரமப்பட்டு வந்ததாகவும், வீட்டிற்குச் சென்றால் எனது குழந்தை அழுகையுடன் காணப்படும். குழந்தைக்கு தேவையான உணவை கூட என்னால் வாங்கி தர முடியவில்லை. அதன் காரணமாகவே குழந்தையும் கொன்றும், நானும் குளத்தில் குதித்து தற்கொலை முயற்சி செய்தேன் என்றும், ஆனால் குளத்தில் அதிக தண்ணீர் இல்லாததால், அங்கிருந்து ஓடி சென்று விட்டேன் என்றும் தெரிவித்தார்.
இதையடுத்து, இச்சம்பவம் தொடர்பாக காவல்துறையினர் வழக்குப்பதிவு செய்து விசாரணை நடத்தி வருகின்றனர். இந்நிலையில், மகளை தந்தை கொன்ற சம்பவம் அப்பகுதியில் பெரும் பரபரப்பை ஏற்படுத்தியுள்ளது.
மன உளைச்சலோ, தற்கொலை எண்ணமோ மேலிடும்போது உரிய ஆலோசனை பெற்றால் புதிய வாழ்க்கை அவர்களுக்காக காத்துக்கொண்டிருக்கிறது. அதற்காகவே சினேகா போன்ற தன்னார்வ தொண்டு நிறுவனங்கள் சேவை ஆற்றி வருகின்றன. அவர்களை தொடர்பு கொண்டு இலவசமாக ஆலோசனை பெறலாம்.
சினேகா தன்னார்வ தொண்டு நிறுவனம்,
எண்; 11, பார்க் வியூவ் சாலை, ஆர்.ஏ. புரம்,
சென்னை - 600 028.
தொலைபேசி எண் - (+91 44 2464 0050, +91 44 2464 0060)