இந்த உணவுப் பொருட்களின் மதிப்பை அங்கீகரிக்க ஐக்கிய நாடுகள் சபை 2016 ஆம் ஆண்டை சர்வதேச பருப்புகள் ஆண்டு (IYP) எனக் குறித்தது. அந்த பிரச்சாரத்தின் வெற்றியைத் தொடர்ந்து, 2019 இல், பிப்ரவரி 10 ஐ உலக பருப்புகள் தினமாக அறிவிக்கும் தீர்மானத்தை ஐநா நிறைவேற்றியது. இந்த தினம் குறிப்பாக இந்தியாவிற்கு மிகவும் அவசியமான தினமாகும். ஏனெனில், உலகிலேயே பருப்பு வகைகளின் மிகப்பெரிய உற்பத்தியாளர், நுகர்வோர் மற்றும் இறக்குமதியாளர் நாடாக இந்தியா திகழ்கிறது. பருப்பு என்பது பெரிய அளவில் உற்பத்தி செய்யப்படும் தாவரங்களின் உண்ணக்கூடிய விதைகள் ஆகும். இந்தியாவில் பல மாநிலங்கள் பருப்பு வகைகளை உற்பத்தி செய்கின்றன. அவற்றில் பிரதானமான ஐந்து மாநிலங்கள் உள்ளன, அவற்றை குறித்த தகவல்கள் இங்கே.
மத்திய பிரதேசம்
2020-21 நிதியாண்டிற்கான வேளாண்மை மற்றும் விவசாயிகள் நல அமைச்சகம் வெளியிட்டுள்ள சமீபத்திய மதிப்பீடுகளின்படி, மொத்த உற்பத்தியில் 20 சதவீத உற்பத்தியைக் கொண்டுள்ள மத்தியப் பிரதேசம் இந்தியாவில் பருப்பு வகைகள் உற்பத்தியில் முன்னணியில் உள்ளது. அந்த நிதியாண்டில் அம்மாநிலம் 5.3 மில்லியன் டன் பருப்புகளை உற்பத்தி செய்தது. மூங், உளுந்து மற்றும் தினை ஆகியவை இங்கு பொதுவாக விளையும் பருப்பு வகைகள் ஆகும்.
ராஜஸ்தான்
மாநிலத்தில் கிட்டத்தட்ட 6.15 மில்லியன் ஹெக்டேர் பருப்பு வகை பயிர்களுக்கு என்று அர்ப்பணிக்கப்பட்டுள்ளது. ராஜஸ்தான் 4.31 மில்லியன் டன் பருப்புகளை உற்பத்தி செய்கிறது. இந்த வகையின் முக்கிய பயிர்களில் மாத், மூங், அர்ஹர் மற்றும் கிராம் ஆகியவை அடங்கும். இந்தியாவின் மொத்த பருப்பு உற்பத்தியில் 16.75 சதவீதத்தை இம்மாநிலம் உற்பத்தி செய்கிறது.
மகாராஷ்டிரா
20-21 நிதியாண்டில் உற்பத்தி செய்யப்பட்ட சுமார் 4.3 மில்லியன் டன் பருப்புகளோடு, மகாராஷ்டிரா ராஜஸ்தானுக்கு அருகில் மூன்றாவது இடத்தில் உள்ளது. இம்மாநிலம் தூர் பருப்பு உற்பத்தியின் பெரும்பகுதியைக் கொண்டுள்ளது. மூங் மற்றும் உளுந்து ஆகியவை பெரிதும் விரும்பப்படும் பயிர்களாகும், இருப்பினும் இங்கு விவசாயத்திற்கு பருவமழை காலத்தை நம்பியிருக்க வேண்டிய கட்டாயம் உள்ளது.
உத்தரப்பிரதேசம்
20-21 நிதியாண்டில் பருப்பு பயிர்களுக்காக 2.38 மில்லியன் ஹெக்டேர் நிலப்பரப்பைக் கொண்டிருந்த இந்த வட இந்திய மாநிலம், தோராயமாக 2.56 மில்லியன் டன் பருப்பு வகைகளை உற்பத்தி செய்தது. இது இந்தியாவின் மொத்த பருப்பு உற்பத்தியில் சுமார் 10 சதவீதம் ஆகும்.
கர்நாடகா
கர்நாடகா 2.38 மில்லியன் டன் பருப்புகளை உற்பத்தி செய்தது. இப்பகுதியில் துவரம் பருப்பு ஒரு முக்கிய பயிர். குதிரைவாலி மற்றும் உளுந்து ஆகியவை இந்த மாநிலத்தில் அதிக பருப்பு உற்பத்திக்கு பங்களிக்கின்றன.
பருப்பு பயன்பாடு
இந்திய மற்றும் மத்தியதரைக் கடல் உணவுகள் உட்பட உலகம் முழுவதிலும் உள்ள பிரதான உணவுகள் பருப்பு வகைகளைக் கொண்டுள்ளன. பருப்பு பொரியல், ஹம்முஸ் மற்றும் முழு ஆங்கில காலை உணவு போன்ற சுவையான உணவுகள் அனைத்தும் பருப்பு வகைகளை அதிகம் பயன்படுத்துகின்றன. தென்னிந்தியாவில் சாம்பார் பிரதான உணவு, அதற்கு முக்கிய பொருளே பருப்புகள்தான்.