கருப்பு ஏலக்காய் தெரியுமா? அதை வீட்டில் எப்படி வளர்ப்பது?

பெரிய ஏலக்காய்களை கருப்பு ஏலக்காய் என்று அழைப்பர். இவற்றை உலர்த்தி, அவற்றின் பழங்கள் மற்றும் விதைகளை சமையலில் பயன்படுத்துகிறார்கள்.

இவற்றை வீட்டில் வளர்க்க விரும்பினால் நல்ல தரமான பெரிய ஏலக்காய்களைத் தேர்ந்தெடுத்து 24 மணி நேரம் வெதுவெதுப்பான நீரில் ஊற வைக்க வேண்டும்.

பத்து முதல் பன்னிரண்டு அங்குல ஆழம் கொண்ட, தண்ணீர் வடிவதற்கு நல்ல வசதி கொண்ட தொட்டியைத் தேர்ந்தெடுக்கவும். ஏனெனில் இந்த செடியின் வேர்கள் ஆழமாக வளராது.

50% வளமான மண் 30% உரம் அல்லது மாட்டு எரு, 20% தேங்காய் நார் அல்லது மணல் சேர்த்து ஒரு கலவையை தயார் செய்யுங்கள்.

விதைகளை மண்ணில் 1–2 சென்டிமீட்டர் ஆழத்தில் நடவும். அவற்றை மண்ணால் மூடவும்.

விதைத்தபின் மண்ணில் ஈரப்பதம் இருக்குமாறு மண்ணின் மேல் சிறிது தண்ணீர் தெளிக்கவும்.

தொட்டியை காலை இளஞ்சூரிய ஒளி படும்படி வைக்கவும். ஏனெனில் இந்தச் செடி நிழலை விரும்பும்.

விதை முளைப்பதற்கு 30 முதல் 40 நாட்கள் ஆகலாம். ஒவ்வொரு 20–25 நாட்களுக்கும் இயற்கை உரம் மற்றும் மண்புழு உரம் சேர்ப்பது நன்றாக வளர உதவும்.

செடிக்கு ஈரப்பதம் தொடர்ந்து இருக்குமாறு பார்த்துக் கொள்ளுங்கள். செடி 2–3 வருடங்களில் ஏலக்காய் கொடுக்க ஆரம்பிக்கும்.