இந்தியாவில் ஜனாதிபதி ஆட்சி அமல்படுத்தப்படாத மாநிலங்கள் 2 மட்டும்தானா?

இந்திய அரசியலமைப்பின் 356-வது பிரிவு இதுவரை 134 முறை இந்தியாவில் அமல்படுத்தப்பட்டுள்ளது.

மணிப்பூர் மற்றும் உத்தரப்பிரதேசத்தில் தான் ஜனாதிபதி ஆட்சி பெரும்பான்மையாக அமல்படுத்தப்பட்டது.

தற்போதும்(கடந்த வியாழன் கிழமை i,e., 13/02/2025) மணிப்பூரில் ஜனாதிபதி ஆட்சிதான் நடக்கிறது.

மணிப்பூரில் இதோடு 11 முறையும் உத்தரப்பிரதேசத்தில் 10 முறையும் ஜனாதிபதி ஆட்சி அமல்படுத்தப்பட்டுள்ளது.

ஜம்மு-காஷ்மீர், புதுச்சேரி, பஞ்சாப் ஆகிய மூன்று மாநிலங்களும் ஜனாதிபதி ஆட்சியின் கீழ் அதிக காலமாக இருந்தது.

1950 முதல், ஜம்மு-காஷ்மீரில் 9 முறை ஜனாதிபதி ஆட்சி அமல்படுத்தப்பட்டிருக்கிறது.

மேலும், இந்திய அரசியலமைப்புச்சட்டம் அமல்படுத்தியதில் இருந்து ஜம்மு-காஷ்மீர் 12 ஆண்டுகளுக்கும் மேலாக ஜனாதிபதி ஆட்சியில் கீழ் உள்ளது.

அதற்கு பிறகு பஞ்சாப் - 10 ஆண்டுகள், புதுச்சேரி - 7 ஆண்டுகள் ஜனாதிபதி ஆட்சியில் இருக்கிறது.

சுதந்திரத்திற்கு பிறகு இந்தியாவில் பல மாநிலங்களில் ஜனாதிபதி ஆட்சி அமல்படுத்தப்பட்ட போதிலும், இரண்டு மாநிலங்களில் மட்டும் விதிவிலக்காக இருக்கிறது.

தெலுங்கானா மற்றும் சட்டீஸ்கர் மாநிலங்களில் தான் இதுவரை ஒரு முறை கூட ஜனாதிபதி ஆட்சி வந்ததில்லை.