மூளையில் ஒரு அசாதாரண செல் வளர்ச்சியே இந்த மூளை கட்டி ஆகும். இதை தொடக்க கட்டத்திலே சரி செய்யாவிட்டால் உயிருக்கே ஆபத்து ஏற்படும்.
மூளையில் உள்ள செல்கள் கட்டுப்பாடின்றி அசாதாரணமாக வளரும்போது இந்த பிரச்சினை உண்டாகிறது. இது நமது இயல்பு வாழ்வை பாதிக்கும்.
மூளையில் கட்டி உருவானால் என்னென்ன பாதிப்பு ஏற்படும் என்பதை கீழே விரிவாக காணலாம்.
தொடர்ச்சியான தலைவலி இருப்பது மூளையில் கட்டி இருப்பதற்கான முதல் அறிகுறியாகும்.
மூளையில் கட்டி இருந்தால் பார்வையில் குறைபாடு இருக்கலாம். பார்வை மங்கலாகும். கண்களை ஒரே இடத்தில் உற்றுநோக்கி பார்ப்பதில் சிக்கல் இருக்கும்.
ஞாபக மறதி உண்டாகும். எந்த ஒரு விஷயத்தையும் முழு கவனத்தையும் செலுத்த இயலாது.
கை மற்றும் கால்கள் பலவீனமாக மாறும். சில நேரங்களில் கை, கால்கள் மரத்துப்போன உணர்வு ஏற்படும்.
தலைவலி மட்டுமின்றி குமட்டலும், வாந்தியும் அவ்வப்போது ஏற்படும். இது நம்மை மிகவும் பலவீனமாக்கும்.
மூளையில் ஏற்படும் கட்டி காரணமாக கோபம், எரிச்சல் போன்ற உணர்வுகள் அடிக்கடி உண்டாகும்.
நீங்கள் முன்னோக்கி உங்கள் உடலை வளைத்தாலே, தும்மினாலோ அல்லது இருமினாலோ கடுமையான தலைவலி உண்டாகும். இந்த அறிகுறிகள் இருந்தால் உடனடியாக மருத்துவரை அணுக வேண்டியது மிக மிக அவசியம்.