மார்பில் வலி இதய தாக்குதலா அல்லது வாயுவா.? வாருங்கள் தெரிந்து கொள்வோம்.

சில சமயங்களில் இதய வலி ஒரு சாதாரண வாயுப் பிரச்னையா இல்லையா என்பதைப் புரிந்துகொள்வது கடினமாகிவிடுகிறது, பலர் இந்த குழப்பத்தில் சிக்கிவிடுகிறார்கள். அதற்கள் மிகவும் தாமதமாகிவிடுகிறது.

வாயு காரணமாக வலி ஏற்பட்டால் ஏப்பம் விடுதல், வாயுவை வெளியேற்றுதல் அல்லது உடல் நிலையை மாற்றுதல், அதாவது நேராக உட்காருதல் போன்ற செயல்களால் நிவாரணம் பெறலாம்.

இந்த வலி வயிற்றின் மேல் பகுதியில் தொடங்கி மார்பு வரை பரவக்கூடும். இந்த வலி கூர்மையான, பிடிப்பு அல்லது எரிச்சல் போன்ற உணர்வைத் தரும். இது அதிக உணவு சாப்பிட்ட பிறகு அல்லது வாயுவை உருவாக்கும் பானங்களை அருந்திய பிறகு பொதுவாக ஏற்படுகிறது. இந்த வலி சிறிது நேரத்திற்குப் பிறகு சரியாகிவிடும்.

இதய வலிப்பு ஏற்பட்டால் வலி தொடர்ந்து இருக்கும் அல்லது அதிகரிக்கும். வலி மார்பின் நடுவில் அல்லது இடது பக்கத்தில் தொடங்கலாம்.

இடது கை தாடை கழுத்து முதுகு அல்லது தோள்பட்டை வரை பரவக்கூடும். இந்த வலி கனம் அழுத்தம் அல்லது இறுக்கம் போல் உணரப்படுகிறது.

இந்த வலி 10 நிமிடங்களுக்கு மேல் நீடிக்கிறது மற்றும் அதிகரிக்கிறது. இந்த வலி உடல் செயல்பாடு, மன அழுத்தம் அல்லது உயர் ரத்த அழுத்தம் காரணமாக ஏற்படுகிறது.

வாயு தொல்லையின் அறிகுறிகள் - வயிறு வீக்கம், அடிக்கடி ஏப்பம் விடுதல், சாப்பிட்ட பிறகு அசௌகரியமாக உணர்தல்

இதய நோயின் அறிகுறிகள் - மூச்சுத் திணறல், குளிர்ந்த வியர்வை, தலைச்சுற்றல் அல்லது மயக்கம், குமட்டல் மற்றும் வாந்தி.

ஒருவேளை வலி வாயு போல் உணர்ந்தால், ஏப்பம் அல்லது வாயு வெளியேறுவதால் நிவாரணம் கிடைத்தால் கவலைப்பட வேண்டியதில்லை. வலி தொடர்ந்தால், மார்பில் கனமாக இருந்தால், சுவாசிப்பதில் சிரமம் ஏற்பட்டால் அல்லது வேறு தீவிர அறிகுறிகள் தென்பட்டால் மருத்துவரை அணுக வேண்டும்.