முகத்தில் கொப்பளம் போன்று தோன்றும் இந்த முகப்பருக்கள் தேவையில்லாத சிக்கலை உண்டாக்கும்.

முகப்பருக்கள் பொதுவாக வயது வித்தியாசமின்றி உண்டாகக்கூடியது. ஆனால், அதிகளவில் பதின்ம பருவத்தினரையே பாதிக்கிறது.

காரணம் என்ன?

ஹார்மோன்கள் மாற்றம், சரும வறட்சி, எண்ணெய் பசை உள்ளிட்ட பல காரணங்களால் இந்த முகப்பருக்கள் உண்டாகிறது.

வீட்டு வைத்தியங்கள்

உணவுப் பழக்கங்கள், வீட்டில் உள்ள பொருட்களை வைத்து இந்த முகப்பருக்களை சரி செய்யலாம்.

மஞ்சள்

மகத்துவமான மருத்துவ குணம் கொண்டது மஞ்சள். இதில் உள்ள குர்குமின் அழற்சி, வீக்கத்திற்கு சிறந்த மருந்தாகும். பெண்கள் இதை பயன்படுத்துவது சிறந்தது.

வேம்பு

வேப்பிலை ஏராளமான நன்மைகளை கொண்டது. வேப்பிலை கொழுந்து நீரைக் கொண்டு முகத்தை கழுவி வருவது நன்மை பயக்கும். இது பாக்டீரியா எதிர்ப்பு பண்புகளை கொண்டது.

தக்காளி சாறு

லைகோபீனை அதிகம் கொண்டது தக்காளி. சருமத்தில் உள்ள துளைகளை கட்டுப்படுத்தி அதிகப்படியான எண்ணெய்யை கட்டுப்படுத்தும்.

கற்றாழை

கற்றாழை ஏராளமான நன்மைகளை கொண்டது. கற்றாழையில் உள்ள பசை முகத்தில் உள்ள பருக்கள், தழும்புகளுக்கு நல்ல தீர்வாக உள்ளது.

தேன்

இயற்கையாக சரும பராமரிப்பில் முக்கிய பங்கு வகிப்பது தேன். முகப்பருக்களின் மீது தடவினால் விரைவில் சரியாகும்.

ஐஸ் தெரபி

முகப்பருக்கள் மீது ஐஸ் கட்டிகளை தேய்த்தால் முகப்பருக்களின் வீக்கத்தை குறைக்கும்.