முட்டை கெட்டு போச்சா? கண்டுபிடிப்பது எப்படி?

முட்டை நமது அன்றாட உணவில் ஒரு முக்கிய அங்கமாக உள்ளது. இது புரதம், வைட்டமின்கள் மற்றும் தாதுக்கள் நிறைந்தது.

ஆனால் முட்டை கெட்டுப்போனால் நச்சாக மாறிவிடும். வயிற்று வலி, வாந்தி அல்லது தொற்று போன்ற பிரச்சனைகளை ஏற்படுத்தலாம்.

ஆகவே முட்டை நன்றாக இருக்கிறதா? அல்லது கெட்டுப்போனதா என்பதை அறிவது மிகவும் அவசியம்.

வாங்க, முட்டை நல்லதா இல்லையான்னு வீட்டிலேயே கண்டுபிடிக்க சில எளிய வழிகளைப் பார்க்கலாம்.

ஒரு கிண்ணத்தில் குளிர்ந்த நீரை எடுத்து முட்டையைச் சேர்க்கவும்

முட்டை கீழே மூழ்கினால் அது புதியது, மேலே மிதந்தால் அது கெட்டுப்போனது.

இதற்கு மேலாக முட்டையை உடைத்து முகர்ந்து பார்க்கவும், அழுகிய நாற்றம் என்றால் முட்டை கெட்டுவிட்டது என்று அர்த்தம்.

மேலும், முட்டையை லேசாக அசைக்கவும். உள்ளிருந்து சப்-சப் என்ற சத்தம் வந்தால் அது கெட்டுப்போனது என்று அர்த்தம்.

மேலும் முட்டை ஓட்டை சரிபார்க்கவும். உடைந்த, ஒட்டும் அல்லது கறை படிந்த ஓடு என்றால் முட்டை கெட்டுவிட்டது என்று அர்த்தம்.