ஐ.பி.எல் 2024:
கடந்த 2008 ஆம் ஆண்டு முதல் இந்தியாவில் நடைபெற்று வரும் தொடர் ஐ.பி.எல். 16 சீசன்கள் வெற்றிகராமாக முடிந்துள்ள நிலையில் 17-வது சீசன் நடைபெற உள்ளது. அதன்படி, 17 வது சீசன் மார்ச் 22 ஆம் தேதி சென்னையில் நடைபெற உள்ளது. முதல் போட்டியிலேயே நடப்பு சாம்பியன் சென்னை சூப்பர் கிங்ஸ் அணியும், ராயல் சேலஞ்சர்ஸ் பெங்களுர் அணியும் மோதுகின்றன. இந்தப் போட்டி சென்னை சேப்பாக்கம் மைதானத்தில் நடைபெற உள்ளது. இச்சூழலில் இன்னும் ஒரு சில நாட்களில் சி.எஸ்.கே அணி வீரர்கள் சென்னைக்கு வர உள்ளனர்.
அதன் பிறகு பயிற்சியை தொடங்க இருக்கின்றனர். முதல் கட்டமாக சி.எஸ்.கே கேப்டனான எம்.எஸ்.தோனி அடுத்த வாரம் தொடக்கத்தில் சென்னைக்கு வர உள்ளார். சேப்பாக்கத்தில் தனது பயிற்சியை மேற்கொள்ள இருக்கிறார். தோனி எப்போது சென்னை வருவார், அவரை எப்போது பார்ப்போம் என்று ரசிகர்கள் ஆவலுடன் எதிர்பார்த்து காத்திருக்கின்றனர். முன்னதாக இந்த முறை நடைபெறும் ஐ.பி.எல் தொடர் தான் தோனி விளையாடும் கடைசி தொடர் என்று கூறப்படுகிறது.
தோனியின் ஃபிட்னஸ்:
இதனிடையே, குஜராத் மாநிலத்தில் நடைபெற்று வரும் முகேஷ் அம்பானியின் மகன் திருமண நிகழ்வில் கலந்து கொள்ள தோனி தன் மனைவியுடன் சென்றிருக்கிறார். இது தொடர்பான புகைப்படங்களும் வெளியானது. இதில் 40 வயதை தாண்டியிருக்கும் தோனி இன்னும் ஃபிட்னஸ் உடன் இருப்பது தெரிகிறது.
அதனால், அவர் இன்னும் சில ஐ.பி.எல் தொடரில் விளையாடுவார் என்று சமூக வலைதளங்களில் தங்களது கருத்துகளை தெரிவித்து வருகின்றனர். இந்நிலையில் தோனியின் நண்பர் பரம்ஜித் சிங் இது அவருக்கு கடைசி ஐ.பி.எல் தொடராக இருக்காது என்று கூறியுள்ளார். இது தொடர்பாக அவர் பேசுகையில், “"இது அவருக்கு (தோனியின்) கடைசி சீசனாக இருக்கும் என்று நான் நினைக்கவில்லை.
அவர் இன்னும் உடற்தகுதியுடன் இருக்கிறார். அவர் இன்னும் ஓரிரு சீசன்களில் விளையாடுவார் என்று நினைக்கிறேன். அவர் நிச்சயமாக இன்னும் ஒரு சீசனில் விளையாடுவார். காரணம் அவர் ஃபிட்டாக இருக்கிறார்" என்று கூறியுள்ளார். இது தொடர்பான வீடியோ காட்சி தான் சமூக வலைதளங்களில் வைரலாகி வருகிறது. மேலும் சென்னை சூப்பர் கிங்ஸ் அணி ரசிகர்களை உற்சாகப்படுத்தியுள்ளது.
மேலும் படிக்க: Virat Kohli IPL Record: IPL-ல் ஒரு சீரிஸில் அதிக ரன்களை விளாசிய வீரர்! விராட் கோலியின் சாதனை!
மேலும் படிக்க: Watch Video: என்ன ஹீரோயிசமா? சர்பராஸ் கானை கண்டித்த ரோகித் சர்மா - நடந்தது இதுதான்!