ஐ.பி.எல் தொடர்:


சர்வதேச அளவில் எத்தனையோ லீக் போட்டிகள் நடத்தப்பட்டாலும் இந்தியாவில் நடத்தப்படும் ஐ.பி.எல் லீக் போட்டிகளே மிகவும் பிரபலமானது. அந்த அளவிற்கு ஐ.பி.எல் போட்டிகளில் சுவரஸ்யமான பல சம்பவங்கள் நடைபெறுவது வழக்கம். அதன்படி, கடந்த 2008 ஆம் ஆண்டு அறிமுகம் செய்யப்பட்ட ஐ.பி.எல் தொடரில் இதுவரையில் மொத்தம் 16 சீசன்கள் நடந்து முடிந்துள்ளது. அந்த வகையில் இந்த ஆண்டு 17 -வது சீசன் தொடங்க இருக்கிறது. அதன்படி, சென்னை சேப்பாக்கம் மைதானத்தில் மார்ச் 22 ஆம் தேதி நடைபெறும் முதல் போட்டியில் சி.எஸ்.கே மற்றும் ஆர்.சி.பி அணிகள் மோத உள்ளன. இந்நிலையில் இதுவரை நடைபெற்ற ஐ.பி.எல் தொடர்களில் அதிக சதம் விளாசிய டாப் 5 வீரர்கள் யார் என்பதை இந்த தொகுப்பில் பார்ப்போம்:


ஷேன் வாட்சன்:


கடந்த 2008 ஆம் ஆண்டு முதல் 2020 ஆம் ஆண்டு வரை சென்னை சூப்பர் கிங்ஸ், ராயல் சேலஞ்சர்ஸ் பெங்களூர், ராஜஸ்தான் ராயல்ஸ் அணிகளில் விளையாடியவர் ஷேன் வாட்சன். இதுவரை 145 ஐ.பி.எல் போட்டிகளில் விளையாடியுள்ளார். இதில் 4 சதங்கள் விளாசியதன் மூலம் இந்த பட்டியலில் 5-வது இடத்தை பிடித்துள்ளார்.


கே.எல்.ராகுல்:


கிங்ஸ் 11 பஞ்சாப், ராயல் சேலஞ்சர்ஸ் பெங்களூர், சன் ரைசர்ஸ் ஹைதராபாத் மற்றும் லக்னோ சூப்பர் ஜெயண்ட்ஸ் அணிகளுக்காக விளையாடியவர் கே.எல்.ராகுல். தற்போது லக்னோ சூப்பர் ஜெயண்ட்ஸ் அணியின் கேப்டனாக இருக்கும் இவர் இதுவரை 118 போட்டிகளில் விளையாடியுள்ளார். இதுவரை ஐ.பி.எல் போட்டிகளில் 4 சதங்களை விளாசி 4-வது இடத்தை பிடித்துள்ளார்.


ஜோஸ் பட்லர்:


கடந்த 2016 ஆம் ஆண்டு முதல் ஐ.பி.எல் தொடரில் விளையாடி வருபவர் ஜோஸ் பட்லர். அதன்படி, மும்பை இந்தியன்ஸ் மற்றும் ராஜஸ்தான் ராயல்ஸ் அணிகளுக்காக 96 போட்டிகளில் விளையாடியுள்ளார். இதில் 5 சதங்களை விளாசியதன் மூலம் ஐ.பி.எல் போட்டிகளில் அதிக சதங்கள் விளாசிய வீரர்கள் பட்டியலில் மூன்றாவது இடத்தில் இருக்கிறார்.


கிறிஸ் கெய்ல்:


கடந்த 2009 ஆம் ஆண்டு முதல் 2021 ஆம் ஆண்டு வரை ஐ.பி.எல் போட்டிகளில் விளையாடியவர் கிறிஸ் கெய்ல். இதுவரை 142 ஐ.பி.எல் போட்டிகளில் விளையாடியுள்ள இவர் 6 சதங்கள் விளாசி உள்ளார். இதன் மூலம் இந்த பட்டியலில் இரண்டாவது இடத்தை பிடித்துள்ளார்.


விராட் கோலி:


கடந்த 2008 ஆம் ஆண்டு ராயல் சேலஞ்சர்ஸ் பெங்களூரு அணியில் அறிமுகமான விராட் கோலி தற்போதுவரை அந்த அணிக்காகத்தான் விளையாடி வருகிறார். அதன்படி, இதுவரை 237 ஐ.பி.எல் போட்டிகளில் விளையாடி இருக்கும் இவர் 7263 ரன்களை குவித்துள்ளார். இதில் 7 சதங்கள் மற்றும் 50 அரைசதங்கள் அடங்கும். அந்தவகையில்  ஐ.பி.எல் போட்டிகளில் இதுவரையில் அதிக சதங்கள் வீசிய வீரர் என்ற சாதனையை விராட் கோலி படைத்து இருக்கிறார்.


மேலும் படிக்க: Virat Kohli IPL Record: IPL-ல் ஒரு சீரிஸில் அதிக ரன்களை விளாசிய வீரர்! விராட் கோலியின் சாதனை!


மேலும் படிக்க: Watch Video: என்ன ஹீரோயிசமா? சர்பராஸ் கானை கண்டித்த ரோகித் சர்மா - நடந்தது இதுதான்!