ஐ.பி.எல் தொடர்:


சர்வதேச அளவில் எத்தனையோ லீக் போட்டிகள் நடத்தப்பட்டாலும் இந்தியாவில் நடத்தப்படும் ஐ.பி.எல் லீக் போட்டிகளே மிகவும் பிரபலமானது. அந்த அளவிற்கு ஐ.பி.எல் போட்டிகளில் சுவாரஸ்யமான பல சம்பவங்கள் நடைபெறுவது வழக்கம். அதன்படி, கடந்த 2008 ஆம் ஆண்டு அறிமுகம் செய்யப்பட்ட ஐ.பி.எல் தொடரில் இதுவரையில் மொத்தம் 16 சீசன்கள் நடந்து முடிந்துள்ளது. அந்த வகையில் இந்த ஆண்டு 17 -வது சீசன் தொடங்க இருக்கிறது. இந்நிலையில் இதுவரை நடைபெற்ற ஐ.பி.எல் தொடரில் ஒரு போட்டியில் அதிக கேட்ச் பிடித்த வீரர் யார் என்பதை இந்த தொகுப்பில் பார்ப்போம்:


ஒரு போட்டியில் அதிக கேட்ச் பிடித்த வீரர்:


கடந்த 2010 ஆம் ஆண்டு சர்வதேச டி 20 போட்டியில் அறிமுகான ஆல்ரவுண்டர் முகமது நபி. ஆப்கானிஸ்தான் நாட்டைச் சேர்ந்த இவர் கடந்த 2021 ஆம் ஆண்டு சன் ரைசர்ஸ் ஹைதராபாத் அணிக்காக விளையாடினார். அந்த வகையில் அபுதாபியில் கடந்த 2021 ஆம் ஆண்டு மும்பை இந்தியன்ஸ் அணிக்கு எதிராக நடைபெற்ற போட்டியில் ஹைதராபாத் அணி விளையாடியது. இந்த போட்டியில் முகமது நபி அசத்தலாக 5 கேட்சுகளை பிடித்தார். இதன் மூலம் ஐ.பி.எல் தொடரில் ஒரு போட்டியில் அதிக கேட்சுகள் பிடித்த வீரர் என்ற சாதனையை படைத்தார்.


இவருக்கு அடுத்த இடத்தில் இருப்பவர் சச்சின் டெண்டுல்கர். கடந்த 2008 ஆம் ஆண்டு மும்பை இந்தியன்ஸ் அணி கொல்கத்தா நைட் ரைடர்ஸ் அணியை எதிர்கொண்டு விளையாடியது. அந்த போட்டியில் மட்டும் சச்சின் டெண்டுல்கர் 4 கேட்சுகளை பிடித்தி அசத்தினார். டெல்லி அணியில் விளையாடிய டேவிட் வார்னர் இந்த பட்டியலில் மூன்றாவது இடத்தில் இருக்கிறா. அதாவது கடந்த 2010 ஆம் ஆண்டு ராஜஸ்தான் ராயல்ஸ் அணிக்கு எதிராக நடைபெற்ற போட்டியில் வார்னர் 4 கேட்சுகளை பிடித்ததார். நான்காவது இடத்தில் ஜாக் காலிஸ் இருக்கிறார். கொல்கத்தா நைட் ரைடர்ஸ் அணிக்காக விளையாடிய இவர் கடந்த 2011 ஆம் ஆண்டு டெக்கான் ஜார்ஜர்ஸ் அணிக்கு எதிராக நடைபெற்ற போட்டியில் 4 கேட்சுகளை பிடித்தார். 


ஒரு போட்டியில் அதிக கேட்சுகள் பிடித்த வீரர்கள் பட்டியலில் 5 வது இடத்தில் இருப்பவர் ராகுல் தெவாடியா (Rahul Tewatia). கடந்த 2019 ஆம் ஆண்டு வான்கடே மைதானத்தில் நடைபெற்ற போட்டியில் மும்பை இந்தியன்ஸ் மற்றும் டெல்லி கேப்பிட்டல்ஸ் அணிகள் மோதின. இந்த போட்டியில் 4 கேட்சுகள் பிடித்தார் டெல்லி கேப்பிட்டல்ஸ் அணி வீரர் ராகுல் தெவாடியா. அதேநேரம் ஒட்டு மொத்த ஐ.பி.எல் தொடரிலும் அதிக கேட்ச் பிடித்த வீரர் என்ற சாதனை சென்னை சூப்பர் கிங்ஸ் அணி வீரர் சுரேஷ் ரெய்னாவிடம் இருப்பது குறிப்பிடத்தக்கது.


மேலும் படிக்க: Virat Kohli IPL Record: IPL-ல் ஒரு சீரிஸில் அதிக ரன்களை விளாசிய வீரர்! விராட் கோலியின் சாதனை!


மேலும் படிக்க: Watch Video: என்ன ஹீரோயிசமா? சர்பராஸ் கானை கண்டித்த ரோகித் சர்மா - நடந்தது இதுதான்!