Chepauk Stadium: CSK வின் ஹோம் கிரவுண்ட்...சேப்பாக்கம் மைதானத்தின் ரெக்கார்ட்!

மு.வா.ஜெகதீஸ் குமார் Updated at: 06 Mar 2024 08:00 PM (IST)

சி.எஸ்.கே அணியின் ஹோம் கிரவுண்டான சென்னை சேப்பாக்கம் மைதானத்தில் நடைபெற்ற சாதனைகளை இந்த தொகுப்பில் பார்ப்போம்

சி.எஸ்.கே கேப்டன் தோனி

சர்வதேச அளவில் எத்தனையோ லீக் போட்டிகள் நடத்தப்பட்டாலும் இந்தியாவில் நடத்தப்படும் ஐ.பி.எல் லீக் போட்டிகளே மிகவும் பிரபலமானது. அந்த அளவிற்கு ஐ.பி.எல் போட்டிகளில் சுவரஸ்யமான பல சம்பவங்கள் நடைபெறுவது வழக்கம். அதன்படி, கடந்த 2008 ஆம் ஆண்டு அறிமுகம் செய்யப்பட்ட ஐ.பி.எல் தொடரில் இதுவரையில் மொத்தம் 16 சீசன்கள் நடந்து முடிந்துள்ளது. அந்த வகையில் இந்த ஆண்டு 17 -வது சீசன் தொடங்க இருக்கிறது. அதன்படி, மார்ச் 22 ஆம் தேதி நடைபெற உள்ள முதல் போட்டியில் சி.எஸ்.கே மற்றும் ஆர்.சி.பி அணிகள் மோத உள்ளன. இந்த போட்டிகள் சென்னை சேப்பாக்கம் மைதானத்தில் நடைபெற உள்ளது. இந்நிலையில் சி.எஸ்.கே அணியின் ஹோம் கிரவுண்டான சென்னை சேப்பாக்கம் மைதானத்தில் நடைபெற்ற சாதனைகளை இந்த தொகுப்பில் பார்ப்போம்:

அதிக பட்ச ஸ்கோர்:

மற்ற மைதானங்களை விட சென்னை சேப்பாக்கம் மைதானம் சி.எஸ்.கே அணிக்கு சாதகமாகவே இருக்கும். அதேபோல், சென்னை அணி இங்கு விளையாடும் போட்டியின் போது மைதானமே மஞ்சள் நிறத்தில் விஷில் போடும். அந்த வகையில் சேப்பாக்கம் மைதானத்தில் அதிக ரன்களை குவித்த அணிகளில் சென்னை சூப்பர் கிங்ஸ் அணி தான் முதல் இடத்தில் இருக்கிறது. அதன்படி, கடந்த 2010 ஆம் ஆண்டில் எம்.ஏ சிதம்பரம் மைதானத்தில் நடைபெற்ற போட்டியில் சி.எஸ்.கே அணி ராஜஸ்தான் ராயல்ஸ் அணியை எதிர்கொண்டது. இதில் முதலில் பேட்டிங் செய்த சி.எஸ்.கே அணி 5 விக்கெட்டுகள் இழப்பிற்கு 246 ரன்களை குவித்தது. அதிகபட்சமாக அந்த அணி வீரர் முரளி விஜய் 127 ரன்களை குவித்தார். அந்த வகையில் இதுவரை சேப்பாக்கம் மைதானத்தில் நடைபெற்ற ஐ.பி.எல் தொடரில் சென்னை அணி எடுத்த 246 ரன்கள் தான் அதிகபட்ச ஸ்கோராக உள்ளது.

அதிக ரன்கள் குவித்த அணிகள்:

அணி	ரன்கள்	எதிர் அணி	வருடம்
சென்னை சூப்பர் கிங்ஸ்	246	ராஜஸ்தான் ராயல்ஸ்	2010
ராஜஸ்தான் ராயல்ஸ்	223	சென்னை சூப்பர் கிங்ஸ்	2010
சென்னை சூப்பர் கிங்ஸ்	222	டெல்லி டேர்டவில்ஸ்	2012
சென்னை சூப்பர் கிங்ஸ்	217	லக்னோ சூப்பர் ஜெயண்ட்ஸ்	2023
ராஜஸ்தான் ராயல்ஸ்	211	சென்னை சூப்பர் கிங்ஸ்	2008

குறைந்த பட்ச ஸ்கோர்:

சென்னை சேப்பாக்கம் மைதானத்தில் குறைந்தபட்ச ரன்களை எடுத்த அணியாக இருப்பது ராயல் சேலஞ்சர்ஸ் பெங்களூர். கடந்த 2019 ஆம் ஆண்டு நடைபெற்ற அந்த போட்டியில் பெங்களூர் அணி சென்னை அணியை எதிர்கொண்டது. இதில், 17.1 ஓவர்களில் பெங்களூர் அணி அனைத்து விக்கெட்டுகளையும் இழந்து 70 ரன்களை மட்டுமே எடுத்தது. இந்த போட்டியில் சென்னை அணி 7 விக்கெட்டுகள் வித்தியாசத்தில் பெங்களூருவை வீழ்த்தி வெற்றி பெற்றது.

அணி	மொத்தம்	எதிர் அணி	வருடம்
ராயல் சேலஞ்சர்ஸ் பெங்களூர்	70	சென்னை சூப்பர் கிங்ஸ்	2019
கிங்ஸ் 11 பஞ்சாப்	95	சென்னைசூப்பர்கிங்ஸ்	2015
டெக்கான் சார்ஜர்ஸ்	99	சென்னை சூப்பர் கிங்ஸ்	2019
லக்னோசூப்பர்ஜெயண்ட்ஸ்	101	மும்பை இந்தியன்ஸ்	2023
கொல்கத்தா நைட் ரைடர்ஸ்	108	சென்னை சூப்பர் கிங்ஸ்	2019