சர்வதேச கிரிக்கெட்டில் இருந்து ஓய்வு பெற்ற ஹர்பஜன் சிங், சமீப காலமாக கிரிக்கெட் கமெண்ட்ரியிலும், கல்லி கிரிக்கெட்டிலும் ஆர்வம் செலுத்தி வருகிறார். ட்விட்டர், இன்ஸ்டாகிராம் போன்ற சமூக வலைதளங்களிலும் மிக ஆக்டீவாக இருக்கும் அவர், இளம் கிரிக்கெட்டர்களுடன் கிரிக்கெட் விளையாடும் வீடியோவை இன்று பகிர்ந்துள்ளார்.
தனது சுழற்பந்துவீச்சால் எதிரணி பேட்டர்கள் கலங்கடிக்கும் ஹர்பஜன், ஒரு மாறுதலாக இந்த கல்லி கிரிக்கெட் வீடியோவில் விக்கெட் கீப்பராக இருக்கிறார். டிக் டாக் முடக்கப்பட்டதற்கு பிறகு, இன்ஸ்டாகிராம் ரீல்ஸ் வீடியோ பிரபலமானதை அடுத்து, இப்போது ஹர்பஜனின் இந்த வீடியோவும் அப்படி ஒரு வைரல் வீடியோவாக மாறி இருக்கிறது.
பழைய கிரிக்கெட் வீடியோ ஒன்றில், வர்ணனையாளர் ஆகாஷ் சோப்ரா, “சிங் இஸ் கிங்” என சொல்லும் ஆடியோவோடு இந்த வீடியோவை மேட்ச் செய்து லூட்டி அடித்திருக்கிறார் ஹர்பஜன். பின்னணி இசையில் பங்கரா மியூசிக்கை வேறு ஓட விட்டுள்ளார்கள்.
அந்த வீடியோவைக் காண:
இந்த வீடியோ இப்போது கிரிக்கெட் ரசிகர்களிடையே டிரெண்டாகி வருகின்றது. ஹர்பஜன் தனது இன்ஸ்டாகிராம் பக்கத்தில் வெளியிட்ட சிறிது நேரத்தில் லட்சக்கணக்கான பார்வையாளர்களை கடந்து, லைக்குகளையும் குவித்து வருகின்றது. சில நாட்களுக்கு முன், டி-20 உலகக்கோப்பையின்போது முன்னாள் பாகிஸ்தான் கிரிக்கெட் வீரர் சோயப் அக்தருடன் ஆன்லைன் நிகழ்ச்சியில் பங்கேற்று வைரலான ஹர்பஜன், இப்போது கல்லி கிரிக்கெட் வீடியோவை பதிவேற்றி பழைய ஹர்பஜனாக மீண்டும் கிரிக்கெட் ரசிகர்களை சிரிக்க வைத்திருக்கிறார்.
ABP நாடு செய்திகளை சமூக வலைத்தள பக்கங்களிலும் பின் தொடரலாம்