தமிழ்நாட்டில், இன்று 4 மாவட்டங்களுக்கு மாலைவரை மழை இருக்கு என வானிலை மையம் தெரிவித்துள்ளது. ஆகையால், இந்த மாவட்டங்களைச் சேர்ந்த மக்கள், முன்னெரிக்கையாக, தங்களது திட்டங்களை முன்னெச்சரிக்கையுடன் திட்டமிட்டுக் கொள்ளுங்கள்.
தேனி, தென்காசி, நெல்லை, குமரி ஆகிய 4 மாவட்டங்களில் சில இடங்களில் மாலை 4 மணி வரை மழைக்கு வாய்ப்பு உள்ளதாக வானிலை மையம் தெரிவித்துள்ளது.
சென்னையை பொறுத்தவரை, அடுத்த 24 மணி நேரத்திற்கு , வானம் ஓரளவு மேகமூட்டத்துடன் இருக்கும் என தெரிவிக்கப்பட்டுள்ளது. மேலும் ஒரு சில இடங்களில் மிதமான மழைக்கு வாய்ப்பு உள்ளதாகவும் வானிலை மையம் தெரிவித்துள்ளது.
தமிழ்நாட்டில், கடந்த 24 மணி நேரத்தில் அதிகபட்சமாக கோவை மாவட்டம் வால்பாறை பகுதியில் 2 செ.மீ மழை பதிவாகியுள்ளது.
அடுத்த 2 நாட்களுக்கு, வங்க கடல் பகுதிகளில் காற்றானது சுமார் 35 கி.மீ முதல் 45 கி.மீ வரை வீசக்கூடும் என மீனவர்களுக்கு வானிலை மையம் எச்சரிக்கை தெரிவித்துள்ளது.