TN Weather Update: தமிழ்நாட்டில் 13 மாவட்டங்களில் 100 டிகிரி பாரன்ஹீட் வெப்பநிலை.. இன்றைய வானிலை நிலவரம் இதோ..

தமிழ்நாட்டில் அடுத்த 4 நாட்களுக்கு வறண்ட வானிலையே இருக்கும் என்றும் வெப்பநிலை 2-3 டிகிரி செல்சியஸ் அதிகமாக பதிவாகும் என்றும் வானிலை மையம் தெரிவித்துள்ளது.         

தமிழ்நாட்டில் அடுத்த 4 நாட்களுக்கு வறண்ட வானிலையே இருக்கும் என்றும் வெப்பநிலை 2-3 டிகிரி செல்சியஸ் அதிகமாக பதிவாகும் என்றும் வானிலை மையம் தெரிவித்துள்ளது.         

14.04.2023 முதல் 17.04.2023 வரை: தமிழ்நாடு மற்றும் புதுவை, காரைக்கால் பகுதிகளில் வறண்ட வானிலை நிலவக்கூடும்.

18.04.2023: தமிழ்நாடு மற்றும் புதுவை, காரைக்கால் பகுதிகளில் ஓரிரு இடங்களில் லேசான மழை  பெய்யக்கூடும்.

அதிகபட்ச வெப்பநிலை :

14.04.2023 மற்றும் 15.04.2023: தமிழகத்தில் ஓரிரு இடங்களில் அதிகபட்ச வெப்பநிலை இயல்பிலிருந்து 2 - 3 டிகிரி செல்சியஸ்  அதிகமாக இருக்கக்கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு:

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 36-37 டிகிரி செல்சியஸ் மற்றும் குறைந்தபட்ச வெப்பநிலை 25 டிகிரி செல்சியஸ் அளவில் இருக்கக்கூடும்.

கடந்த 24 மணி நேரத்தில் பதிவான மழை அளவு   ஏதுமில்லை என்றும் மீனவர்களுக்கான எச்சரிக்கை எதுவுமில்லை என சென்னை வானிலை ஆய்வு மையம் தெரிவித்துள்ளது.  

தமிழ்நாட்டில் கடந்த சில நாட்களாக வெப்பநிலை அதிகரித்து வருகிறது. ஒரு சில மாவட்டங்களில் 40 டிகிரி செல்சியஸை கடந்து பதுவாகியுள்ளது. கடந்த 24 மணி நேரத்தில் சேலத்தில் அதிகபட்சமாக 40.8 டிகிரி செல்சியஸ் வெப்பநிலை பதிவாகியுள்ளது. அதனை தொடர்ந்து  ஈரோடு மாவட்டத்தில் 40.6 டிகிரி செல்சியஸும், கரூர் பரமத்தியில் 40 டிகிரி செல்சியஸ் வெப்பநிலை பதிவானது. மேலும், வேலூர், திருப்பத்தூர் – 39.8 டிகிரி செல்சியஸ், நாமக்கல் – 39.5 டிகிரி செல்சியஸ், மதுரை – 39 டிகிரி செல்சியஸ், தர்மபுரி – 38.7 டிகிரி செல்சியஸ், கோவை – 38.4 டிகிரி செல்சியஸ், திருச்சி – 38.7 டிகிரி செல்சியஸ் வெப்பநிலை பதிவாகியுள்ளது.

கருர் பரமத்தியில் 3.3 டிகிரி செல்சியஸ் இயல்பை விட வெப்பநிலை அதிகமாக பதிவாகியுள்ளது. சேலம் மற்றும் ஈரோடு மாவட்டத்தில் இயல்பை விட 3 டிகிரி செல்சியஸ் வெப்பநிலை அதிகமாக பதிவாகியுள்ளது. தொண்டியில் 2.8 டிகிரி செல்சியஸும், தர்மபுரி, மதுரை ஆகிய மாவட்டங்களில் 2 டிகிரி செல்சியஸ் வெப்பநிலை இயல்பை விட அதிகமாக பதிவாகியுள்ளது.

சென்னையில் மீனம்பாக்கத்தில் 36.6 டிகிரி செல்சியஸும், நுங்கம்பாக்கத்தில் 35.5 டிகிரி செல்சியஸ் வெப்பநிலை பதிவாகியுள்ளது. இயல்பை விட சென்னையில் 1 டிகிரி செல்சியஸ் அதிகமாக பதிவாகியுள்ளது. இன்றும் நாளையும் வெப்பநிலை அதிகமாக  பதிவாகும் என வானிலை மையம் தரப்பில் தெரிவிக்கப்பட்டுள்ளது. நேற்று தமிழ்நாட்டில் 13 மாவட்டங்களில் 100 டிகிரி பாரன்ஹீட்டை கடந்து பதிவாகியுள்ளது.