தமிழ்நாட்டை மு.க. ஸ்டாலின் ஆட்சி செய்துவருகிறார். கொரோனாவின் அதீத பரவலை கட்டுப்படுத்துதல், பல்வேறு இடங்களுக்கு பயணப்படுதல், நலத்திட்ட உதவிகள் வழங்குதல் என 24 மணிநேரமும் பிஸியாக இருக்கிறார் முதலமைச்சர் மு.க. ஸ்டாலின். அவரது சுறுசுறுப்பை கண்டு பல்வேறு தரப்பினர் தங்களது ஆச்சரியத்தை வெளிப்படுத்தியுள்ளனர்.
தமிழ்நாட்டினை வளர்ச்சி பாதைக்கு அழைத்து செல்வது மட்டுமின்றி தனது உடல்நலனை பேணி காப்பதிலும் முதலமைச்சர் மு.க. ஸ்டாலின் தீவிரமாக செயல்பட்டுவருகிறார். அவர் உடற்பயிற்சி செய்யும் வீடியோ சமூகவலைதளங்களில் வெளியாகி வைரலாவது வழக்கம்.
அவர் உடற்பயிற்சி, நடைபயிற்சி செய்வது மட்டுமின்றி காலையில் கிழக்கு கடற்கரை சாலையில் சைக்கிள் பயணம் மேற்கொள்வதும் வழக்கம். அப்போது சாலையோர டீ கடைகளில் தேநீர் அருந்துவது, மக்களுடன் உரையாடுவது, அவர்களுடன் செல்ஃபி எடுத்துக்கொள்வது என எனர்ஜியோடு வலம் வருவார்.
இந்நிலையில் இன்று காலை முதலமைச்சர் மு.க. ஸ்டாலின் சைக்கிள் பயணம் மேற்கொள்ளும் வீடியோ வெளியாகி வைரலாகியுள்ளது. சைக்கிள் ஓட்டும் வீரர் அணியும் உடை, கையுறை, ஹெல்மெட் அணிந்து மு.க.ஸ்டாலின் சென்றபோதும், வழிநெடுகிலும் சாலையில் சென்ற பொதுமக்கள் அவரை அடையாளம் கண்டுகொண்டனர். பலர் அவருக்கு வணக்கம் தெரிவித்தனர்.
சாலையில் சைக்கிள் பயற்சியில் ஈடுபட்டிருந்த ஒருவர் முதலமைச்சரின் சைக்கிள் ரைடை வீடியோவாக எடுத்து தனது ட்விட்டர் பக்கத்தில் பகிர்ந்துள்ளார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
மேலும் வாசிக்க: ‛ஞாபகம் இருக்கா... அந்த ஞாயிறு... முதல் லாக்டவுன் போட்ட ஞாயிறு’ தமிழ்நாடு ஊரடங்கு ஒரு பிளாஷ் பேக்!