செல்வப் பெருந்தகை செய்தியாளர்கள் சந்திப்பு
மதுரை தெப்பக்குளம் பகுதியில் இருக்கக்கூடிய தனியார் திருமண மண்டபத்தில் மதுரை விருதுநகர் காங்கிரஸ் கமிட்டி சார்பில் 2024 பாராளுமன்ற தேர்தலுக்கான செயல்வீரர் கூட்டம் நடைபெற்றது. இதில் காங்கிரஸ் கமிட்டியின் மாநிலத் தலைவர் செல்வப் பெருந்தகை பங்கேற்று செய்தியாளர்களை சந்தித்தார் அப்போது கூறுகையில்..," உச்ச நீதிமன்றம் பிப்ரவரி 15-ம் தேதி அரசியல் சிறப்பு மிக்க தீர்ப்பு வழங்கியது. தேர்தல் பத்திரம் எலக்ட்ரோ பாண்டு வங்கிய பா.ஜ.க., உள்ளிட்ட கட்சிகள் திருப்பி கொடுக்க வேண்டும் இது தேர்தல் சாசனத்திற்கு எதிரானது. வரும் மார்ச் 6ஆம் தேதிக்குள் பொதுவெளியில் வெளியிட வேண்டும் என உச்ச நீதிமன்ற தீர்ப்பு. சி.பி.ஐ., அமலாக்கத் துறையினர் தன்வசம் வைத்திருக்கிற மோடி எஸ்.பி.ஐ., வங்கிகளை அரசியலுக்கு பயன்படுத்தும் மோடி இந்த விபரங்களை கொடுப்பதற்கு நான்கு மாதம் அவகாசம் கேட்கிறார். தேசிய மயமாக்கப்பட்ட வங்கிகளை மோடி பயன்படுத்துகிறார். தேசிய மயமாக்கப்பட்ட வங்கிகளை தன்னிச்சையாக செயல்படாமல் ஜனநாயகத்திற்கு எதிராக செயல்பட்டாட்டை கண்டித்து நாளை 3 மணிக்கு மயிலாடுதுறையில் ஆர்ப்பாட்டம் நடைபெற உள்ளது.
நேரடியாகவோ., மறைமுகமாகவோ., கிடையாது
அனைத்து மாவட்டங்களிலும் ஸ்டேட் வங்கி முன்னாள் காங்கிரஸ் கட்சியினர் ஆர்ப்பாட்டத்தில் ஈடுபட உள்ளனர். உச்ச நீதிமன்ற தீர்ப்பை மதிக்காத அரசு மோடி அரசு. யாரெல்லாம் சமஸ்கிருதத்தை பேசுகிறார்களோ அவர்களுக்கு புகழ் பாடுகிறார்கள். தமிழை ஆதரிப்பவர்களை மோடி அரசு எதிர்க்கிறது. ஆனால் தமிழ்நாட்டில் ஓட்டு வங்கிக்காக வேஷம் போடுகிறார். தமிழ்நாட்டில் கூட்டணி சம்பந்தமாக பேச்சுவார்த்தை நடைபெற்று வருகிறது. நாங்கள் கேட்கும் தொகுதிகளை திமுக கொடுப்பார்கள். திமுகவுடன் சிறிய கட்சிகளே கூட்டணி முடிய வில்லை, கூடிய விரைவில் கூட்டணி முடியும். வரும் தேர்தலில் அனைத்து மாநிலங்களிலும் ராகுல் காந்தி போட்டியிட வேண்டுமென முன்மொழிகிறார்கள் தமிழ்நாட்டில் ராகுல் காந்தி போட்டியிட வேண்டும் என நானும் வழிமொழிகிறேன். இந்திய கூட்டணி வலிமையாக உள்ளது.
ஒருபோதும் அ.தி.மு.க.,வுடன் கூட்டணி கிடையாது. நேரடியாகவோ.? மறைமுகமாகவோ.? அதிமுகவுடன் பேச்சு வார்த்தை ஒருபோதும் இல்லை. குஜராத்தில் இந்தியா அரசு நிதியில் எய்ம்ஸ் கட்டப்பட்டது. மதுரையில் ஜப்பான் ஜெயிக்கா நிதியில் கட்டப்பட உள்ளது. இதிலிருந்தே தெரிய வேண்டாமா ஒரு கண்ணில் சுண்ணாம்பு ஒரு கண்ணில் வெண்ணை. தமிழ்நாட்டில் வெள்ளம் பாதிக்கப்பட்ட இடங்களுக்கு மோடி வரவில்லை ஓட்டு வாங்க வருகிறார். இதற்கு சரியான தக்க பதிலடி மக்கள் கொடுப்பார்கள்" என்றார்.
இதைப் படிக்க மிஸ் பண்ணாதீங்க பாஸ் - Madurai Arittapatti: பறவை நேசருக்கு குவியும் பாராட்டு! கணக்கெடுப்பு பணியில் தொடரும் ஆச்சரியங்கள்!
மேலும் செய்திகள் படிக்க இங்கே கிளிக் செய்யவும் - BAPS Hindu Temple: அபுதாபி இந்து கோயிலில் குவியும் பக்தர்கள்! கட்டுப்பாடுகளும், அம்சங்களும் என்னென்ன?