மதுரை எஸ்.எஸ் காலனி காவல் நிலையத்தில் பணிபுரிபவர் கலாவதி, வயது 47. இவரது கணவர் அரசு போக்குவரத்து கழகத்தில் பேருந்து ஓட்டுனராக பணியாற்றி வருகிறார். இரவு பணிக்கு வந்த கலாவதிக்கு காவல் நிலையத்திலேயே திடீர் மயக்கம் ஏற்பட்டது. அவரை உடனடியாக அரசு மருத்துவமனைக்கு கொண்டு சென்றனர். அங்கு பரிசோதனை செய்த மருத்துவர்கள் அவர் இறந்து விட்டதாக தெரிவித்தனர்.
உடனடியாக அவரது உடலை உடற்கூறு ஆய்வுக்கு அனுப்பி வைக்கப்பட்டது. காவலர் கலாவதிக்கு தர்ஷினி என்ற பெண் குழந்தையும், செந்தில்குமார் என்ற மகனும் உள்ளனர். பணியின்போது இறந்ததால் உடல்நல குறைவு காரணமாக இறந்தாரா அல்லது காவல் நிலையத்தில் மன அழுத்தம் கொடுக்கப்பட்டு அதனால் இறந்தாரா என்பது குறித்து விசாரணை நடைபெற்று வருகிறது.
கடந்த சில வாரங்களுக்கு முன்பு அரசு போக்குவரத்து ஓட்டுநர் ஆறுமுகம் என்பவர் மதுரையில் இருந்து கொடைக்கானலுக்கு அரசுப் பேருந்தை இயக்கி சென்றார். அப்போது அவருக்கு மாரடைப்பு ஏற்பட்டது. சிகிச்சைக்கு கொண்டு செல்லும் முன்னறே அந்த ஓட்டுநர் இறந்தார். இந்நிலையில் பெண் காவலர் ஒருவர் பணியின் போது மயக்கமடைந்து இறந்த சம்பவம் சோகத்தை ஏற்படுத்தியுள்ளது.
இறந்த பெண் காவலர் குறித்து மதுரை எஸ்.எஸ் காலனி காவல்துறையினர் விசாரணை நடத்தி வருகின்றனர்.
இதை படிக்க மிஸ் பண்ணாதீங்க பாஸ் - Sivaganga | ஆண்கள் காது வளர்க்கணும்... ஏன்னா வரலாறு அப்படி.! சிவகங்கை செகுட்டை அய்யனாரும் நம்பிக்கையும்!
மேலும் செய்திகள் படிக்க இங்கே கிளிக் செய்யவும் - Madurai Taste | பர்மா இடியாப்பம்.. அவித்த காய்கறி குருமா.. இறைச்சி க்ரேவி.. மதுரையில் இப்படி ஒரு Foodie சொர்க்கம்