அறுபடை வீடுகளில் மூன்றாம் படை வீடான பழனி முருகன் கோயிலில் மொட்டை எடுத்தல், அலகு குத்துதல், காவடி எடுத்தல் என பக்தர்கள் பல்வேறு தங்கள் நேர்த்திக் கடன்கள் செலுத்தி வருகின்றனர். தமிழ்க்கடவுள் என்று அழைக்கப்படும் முருகனுக்கு அறுபடை வீடுகள் உள்ளது. இந்த அறுபடை வீடுகளில் மூன்றாம் படை திண்டுக்கல் மாவட்டம் பழனியில் உள்ள அருள்மிகு ஸ்ரீ தண்டாயுதபாணி திருக்கோயிலாகும் .
இந்நிலையில் பழனி முருகன் கோயில் நிர்வாகம் சார்பில் அறிவிப்பு ஒன்று வெளியிடப்பட்டுள்ளது. அந்த அறிவிப்பில் கார்த்திகை தீபத்திருவிழா 6ந்தேதி (செவ்வாய்க்கிழமை) நடைபெறுகிறது. இதையொட்டி அன்றைய தினம் அதிகாலை 4 மணிக்கு நடை திறப்பு விஸ்வரூப தரிசனம், 4.30 மணிக்கு விளாபூஜை நடைபெறுகிறது. மாலை 6 மணிக்கு திருக்கார்த்திகை தீபம் ஏற்றப்படுகிறது. அதைத்தொடர்ந்து திருஆவினன்குடி, பெரியநாயகி அம்மன் கோயில்களில் தீபம் ஏற்றப்படும்.
தீபம் ஏற்றப்படுவதை முன்னிட்டு வழக்கமாக 5.30 மணிக்கு நடக்கும் சாயரட்சை பூஜை மாலை 4 மணிக்கு நடைபெறும். மேலும் அன்றைய தினம் பக்தர்கள் கூட்டம் அதிகமாக இருக்கும் என்பதால் பாதுகாப்பு கருதி அடிவாரத்தில் இருந்து மலைக்கோயிலுக்கு செல்ல ஒருவழிப்பாதை அமல்படுத்தப்படுகிறது. அதாவது அடிவாரத்தில் இருந்து மலைக்கோயிலுக்கு செல்லும் பக்தர்கள் குடமுழுக்கு நினைவரங்கம் வழியாகவும், கீழே இறங்கும் பக்தர்கள் படிப்பாதை வழியாகவும் செல்ல வேண்டும்.
Padappai Guna : பாஜகவில் இணையும் ரவுடி படப்பை குணா ? பரபரப்பான கூட்டம்.. முழு பின்னணி தகவல் இதோ..
இதேபோல் கூட்டத்தை ஒழுங்குப்படுத்தும் வகையில், மதியம் 2 மணிக்கு குடமுழுக்கு நினைவரங்க படிப்பாதை தற்காலிகமாக அடைக்கப்படும். தொடர்ந்து 6 மணிக்கு பிறகு பக்தர்கள் வழக்கம்போல் அனுமதிக்கப்படுவார்கள். பிற பாதைகளான மின்இழுவை ரயில், ரோப்கார் சேவை வழக்கம்போல் செயல்படும். திருக்கார்த்திகை தீபத்திருவிழா நாளன்று மலைக்கோயிலில் தங்கரத புறப்பாடு நடைபெறாது என்று கூறப்பட்டுள்ள அறிவிப்பு வெளியிடப்பட்டுள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்