நாட்டு மக்களுக்காக கடுமையாக உழைக்கும் பிரதமர் நரேந்திர மோடி, தினமும் 2 மணிநேரம் மட்டுமே தூங்குவதாக மகாராஷ்டிர மாநில பாஜக தலைவர் சந்திரகாந்த் பாட்டீல் கூறியுள்ளார்.
பிரதமர் நரேந்திர மோடி தினமும் இரண்டு மணி நேரம் மட்டுமே தூங்குவார் என்றும், அவர் தூங்காமல் இருக்கவும், 24 மணிநேரமும் நாட்டுக்காக உழைக்க வேண்டும் என்பதற்காகவும் ஒரு பரிசோதனை செய்து வருகிறார் என்று மகாராஷ்டிர பாஜக தலைவர் சந்திரகாந்த் பாட்டீல் கூறியுள்ளார்.
Watch Video: அதிவேக ஆட்டோவை கவிழ்த்த தண்ணீர் பந்து.. சோகத்தில் முடிந்த ஹோலி கொண்டாட்டம்!!
கோலாப்பூர் வடக்கு சட்டமன்ற இடைத்தேர்தலுக்கு முன்னதாக கோலாப்பூரில் பாஜக தொண்டர்களிடம் பேசும் போது பாட்டீல் சமீபத்தில் இந்த கருத்துக்களை தெரிவித்தார்.
“பிரதமர் மோடி இரண்டு மணி நேரம் மட்டுமே தூங்குகிறார். தினமும் 22 மணி நேரம் வேலை செய்கிறார். அவர் இப்போது தூங்க வேண்டிய அவசியமில்லை. பிரதமர் நாட்டிற்காக ஒவ்வொரு நிமிடமும் உழைக்கிறார். மோடி 24 மணி நேரமும் விழித்திருந்து தூங்குவதைத் தடுக்க முயற்சிக்கிறார். நாட்டிற்காக உழைக்க வேண்டும் என்பதற்காக அவர் ஒரு நிமிடத்தையும் வீணாக்குவதில்லை” என்று சந்திரகாந்த் பாட்டீல் கூறினார்.
மேலும், பிரதமர் மிகவும் திறமையாக செயல்படுகிறார் என்றும், நாட்டின் ஒவ்வொரு மூலையிலும் என்ன நடக்கிறது என்பதை பிரதமர் அறிந்து வைத்திருக்கிறார் என்றும் பாஜக தலைவர் கூறினார்.
நாட்டிற்காக தூங்காமல் உழைக்கும் பிரதமர் மோடி, ஆஸ்திரேலியாவால் இந்தியாவுக்கு கொண்டு வரப்பட்டுள்ள 29 பழங்கால பொருட்களை இன்று காலை பார்வையிட்டார். சிவன் மற்றும் அவரது சீடர்கள், சக்தி, விஷ்ணு மற்றும் அவரது வடிவங்கள், ஜெயின் பாரம்பரியம், உருவப்படங்கள் மற்றும் அலங்கார பொருட்களை பார்வையிட்டார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்