சபரிமலையை பிளாஸ்டிக் இல்லாத இடமாக மாற்ற கேரள அரசும், தேவசம்போர்டும் மேற்கொண்ட முயற்சிகள் எதிர்பார்த்த பலனைத் தரவில்லை என கோயில் நிர்வாகத்தின் சார்பில் தெரிவிக்கப்பட்டுள்ளது. விசுத்திசேனா அமைப்பினர் மற்றும் தன்னார்வலர்களால் தினமும் சன்னிதானம் வளாகத்தில் இருந்து சுமார் 35 லோடு குப்பைகள் அகற்றப்படுகிறது என்றும், இதில் பாதிக்கு மேல் பிளாஸ்டிக் கழிவுகள் இருப்பது அதிர்ச்சியளிப்பதாக கூறப்படுகிறது.
எரியூட்டப்படும் 15,400 பிளாஸ்டிக் கழிவுகள்:
பிளாஸ்டிக் கழிவுகளால் ஏற்படும் பாதிப்பு சபரிமலை வளாகத்தில் உள்ள தேவசம்போர்டு மையத்தில் தினமும் கண்காணிக்கப்படுகிறது. இது குறித்து அதிகாரிகள் தெரிவிக்கையில் இங்கு தினமும் சுமார் 15,400 கிலோ பிளாஸ்டிக் உள்ளிட்ட குப்பைகள் எரியூட்டி எரிக்கப்படுகிறது. மீதமுள்ள கழிவுகளிலிருந்து பிளாஸ்டிக் பிரிக்கப்படாததால், அதன் சரியான அளவு தெளிவாகத் தெரியவில்லை.
இருப்பினும், இந்த தினசரி கழிவுகளில் பாதி பிளாஸ்டிக் கழிவுகள் என்று அதிகாரிகள் மதிப்பிடுகின்றனர். பிளாஸ்டிக் கழிவுகளை அழிக்க மையத்தில் உள்ள மூன்று எரியூட்டி இயந்திரங்களைக்கொண்டு பயன்படுத்தப்படுகிறது. , ஒவ்வொன்றும் ஒவ்வொரு மணி நேரத்திற்கும் 700 கிலோ கழிவுகளை எரிக்கிறர்து, ஒரு நாளைக்கு 22 மணி நேரம் இயங்குகிறது. இரண்டு மாத புனித யாத்திரை காலத்தில், 9.24 லட்சம் கிலோகிராம் கழிவுகள் இந்த மையத்தில் செயலாக்கப்படும் என மதிப்பிடப்பட்டுள்ளது. தினமும் குறைந்தது 3,500 கிலோ பிளாஸ்டிக் கழிவுகள் எரிக்கப்படுவதால், சுற்றியுள்ள வனச் சூழலில் புகை வெளியேறுகிறது.
இதையும் படிங்க : EVKS Elangovan: காவு வாங்கும் ஈரோடு கிழக்கு தொகுதி? அப்பா, மகன் இருவருமே அடுத்தடுத்த ஆண்டில் மரணம்!
இருப்பினும், காற்று மாசுபாட்டின் தாக்கத்தை குறைக்கின்றன என்று உறுதியளிக்கப்படுகிறது. சுத்திகரிப்புக்குப் பிறகு வெளியிடப்படும் புகை காற்றின் தரத்திற்கு குறிப்பிடத்தக்க ஆபத்தை ஏற்படுத்தாது என்று சுகாதாரத்துறை அதிகாரிகள் கூறுகின்ன்றனர். இது குறித்து குப்பை செயலாக்க மையத்தின் அதிகாரிகள் கூறுகையில், பன்னீர், கற்பூரம், வெர்மிலியன் கவர்கள் உள்ளிட்ட பிளாஸ்டிக் பாட்டில்கள் அதிகளவில் வந்து சேருவது அதிகரித்து வருகிறது. பக்தர்கள் வருகையின் போது பிளாஸ்டிக் மற்றும் இதர கழிவுகளை குறைப்பது குறித்து விழிப்புணர்வு ஏற்படுத்த வேண்டும் என்றும் கூறுகின்றனர். திருவனந்தபுரம் தேவசம் போர்டு முன்பு 'இருமுடிகெட்டு'வில் பிளாஸ்டிக்கைத் தவிர்ப்பது போன்ற பிரச்சனைகளைத் தீர்க்க பிரபலங்களை உள்ளடக்கிய விளம்பரப் பிரச்சாரத்தைத் தொடங்க முயற்சிக்கப்பட்டுள்ளது.
இந்த மண்டல பூஜை கால தொடக்கத்தில் உருவாக்கப்பட்ட செயல் திட்டத்தில் பிளாஸ்டிக் ஒழிப்பு நடவடிக்கைகள் முக்கிய கவனம் செலுத்தப்படுகிறது. பக்தர்கள் பிளாஸ்டிக்கை தவிர்க்க வேண்டும் என அறிவுறுத்தும் பேனர்கள் மற்றும் பலகைகள் பல்வேறு இடங்களில் வைக்கப்பட்டு, பிளாஸ்டிக் பாட்டில்களுக்கு மாற்றாக ஸ்டீல் பாட்டில்கள் வழங்கப்பட்டன.
இருப்பினும், இந்த முயற்சிகளைத் தவிர, சபரிமலைக்கு வரும் அதிக அளவிலான பிளாஸ்டிக் கழிவுகளை திறம்பட குறைக்க குறிப்பிடத்தக்க நடவடிக்கைகள் எதுவும் எடுக்கப்படவில்லை. ஒவ்வொரு மண்டல யாத்திரைக் காலத்தின் முடிவிலும், எந்தவொரு உறுதியான அல்லது நீடித்த தீர்வுகள் நடைமுறைப்படுத்தப்படாமலேயே, இந்தப் பிரச்சினை பற்றிய விவாதங்களும் முடிவுக்கு வருகின்றன.