Breaking LIVE: பெட்ரோல் குண்டுவீச்சுக்கு ஆளான பா.ஜ.க.வினர் வீட்டிற்கு செல்கிறார் அண்ணாமலை
Breaking LIVE : தமிழ்நாடு உள்பட இந்தியா முழுவதும் நடைபெறும் பல்வேறு முக்கிய நிகழ்வுகளை கீழே உடனுக்குடன் காணலாம்.
தாக்குதலுக்கு உள்ளான பா.ஜ.க. நிர்வாகிகளின் வீடுகளுக்கு நேரில் சென்று பார்க்க உள்ளதாக தமிழக பா.ஜ.க. தலைவர் அண்ணாமலை கூறியுள்ளார்.
சேலம் அம்மாபேட்டையில் ஆர்.எஸ்.எஸ் பிரமுகர் வீட்டில் மண்ணெண்ணை குண்டு வீசப்பட்ட சம்பவத்தில் 2 பேர் கைது செய்யப்பட்டுள்ளனர்.
திண்டுக்கல் மாவட்டம் குடைபாறைப்பட்டியில் பாஜக பிரமுகர் செந்தில் பால்ராஜின் வாகனங்களுக்கு தீ வைத்த சம்பவத்தில் ஈடுபட்டதாக ஒருவர் கைது செய்யப்பட்டுள்ளார்.
காந்தி ஜெயந்தி அன்று விசிக சார்பில் சமூக நல்லிணக்கப் பேரணி அறிவிக்கப்பட்டுள்ள நிலையில், முன்னதாக விசிக தலைவர் திருமாவளவன் டிஜிபி சைலேந்திர பாபுவை சந்தித்தார்.
பெட்ரோல் குண்டுவீச்சு சம்பவங்கள் தொடர்பாக உயர்மட்ட விசாரணைக்கு மேற்கொள்ள வேண்டிய சூழ்நிலை இல்லை என தமிழ்நாடு டிஜிபி தெரிவித்துள்ளார்.
இது தொடர்பாக அந்தந்த மாவட்டங்களின் எஸ்பிக்கள் தலைமையிலான போலிசார் சிறப்பாக செயல்பட்டு வருவதாகவும் தெரிவித்துள்ளார்.
பெட்ரோல் குண்டுவீச்சில் தொடர்புடையவர்களில் பெரும்பாலானோர் இன்று மாலைக்குள் கைது செய்யப்படுவர் எனவும் தெரிவித்துள்ளார்.
கோவையில் நாளை தமிழ்நாடு பாஜக தலைவர் அண்ணாமலை தலைமையில் நடைபெறவிருந்த கண்டன ஆர்ப்பாட்டத்துக்கு காவல் துறை அனுமதி மறுத்துள்ளது.
பெட்ரோல் குண்டு வீச்சு சம்பவங்களுக்கு கண்டனம் தெரிவிக்க அறவழிப் போராட்டட்த்துக்கு முன்னதாக அண்ணாமலை அழைப்பு விடுத்திருந்தார்.
சண்டிகர் விமான நிலையத்திற்கு பகத்சிங் பெயர் சூட்டப்படும் என்று பிரதமர் மோடி அறிவித்துள்ளார்.
பெட்ரோல் குண்டுவீச்சு சம்பவம் மூலமாக கலவரத்தை தூண்டுவோர்களை கைது செய்ய வேண்டும் என்று மக்கள் நீதிமய்யம் கமலஹாசன் வலியுறுத்தியுள்ளார்.
இந்தியாவில் ஒரே நாளில் 4,777 பேருக்கு கொரோனா தொற்று உறுதி செய்யப்பட்டுள்ள நிலையில், பாதிக்கப்பட்டோரின் எண்ணிக்கை 4 கோடியே 45 லட்சத்து 68 ஆயிரத்து 114ஆக அதிகரித்துள்ளது.
கன்னியாகுமரி பாஜக பிரமுகரும் தொழிலதிபருமான கல்யாண சுந்தரம் என்பவரது வீட்டில் முன்னதாக பெட்ரோல் குண்டு வீசப்பட்டுள்ளது. தப்பியோடியவர்கள் குறிட்த்து மண்டைக்காடு காவல் துறையினர் விசாரணை மேற்கொண்டு வருகின்றனர்.
சர்வதேச கிரிக்கெட்டில் இருந்து இந்திய மகளிர் வேகப்பந்து வீச்சாளர் ஜுலன் கோஸ்வாமி ஓய்வு பெற்றார்.
இங்கிலாந்து அணிக்கு எதிரான 3வது ஒருநாள் போட்டியில் இந்திய மகளிர் அணி 16 ரன்கள் வித்தியாசத்தில் வெற்றி பெற்றது.
கனடாவில் பியோனா காரணமாக அதிக காற்று, புயல் மற்றும் அதிக மழைப்பொழிவு பெய்யும் என நிபுணர்கள் கணித்துள்ளனர்.
நாடு முழுவதும் 5ஜி சேவையை பிரதமர் மோடி வரும் அக்டோபர் 1-ந் தேதி தொடங்கி வைக்கிறார்.
குழந்தைகள் தொடர்பான ஆபாச படங்களை ஆன்லைனில் பரப்பும் விவகாரத்தில் நாடு முழுவதும் 59 இடங்களில் சி.பி.ஐ. சோதனை நடத்தி வருகின்றனர்.
தமிழ்நாடு, புதுவை மற்றும் காரைக்கால் பகுதிகளில் ஓரிரு இடங்களில் இன்று மற்றும் நாளை இடி மின்னலுடன் கூடிய லேசானது முதல் மிதமான மழை பெய்ய வாய்ப்புள்ளதாக சென்னை வானிலை ஆய்வு மையம் தகவல் தெரிவித்துள்ளது.
Background
சென்னையில் 127ஆவது நாளாக பெட்ரோல், டீசல் மாற்றமில்லாமல் விற்பனை செய்யப்படுகிறது. சர்வதேச சந்தையில் கச்சா எண்ணெயின் விலைக்கேற்ப இந்தியாவில் பெட்ரோல், டீசல் விலை நிர்ணயிக்கப்பட்டு வருகிறது. இது அவ்வப்போது ஏற்ற இறக்கத்தைக் கண்டு வருகிறது. எனினும் கடந்த 100 நாட்களுக்கு மேலாக பெட்ரோல், டீசல் விலை தொடர்ந்து அதே விலையில் இருந்து வருகிறது.
கொரோனா வைரஸ் தொற்றால் பிறப்பிக்கப்பட்ட ஊரடங்கால் பொதுமக்கள் கடந்த இரண்டு ஆண்டுகளாக அவதிப்பட்டு வந்த நிலையில், கடந்த 2021ஆம் ஆண்டு நவம்பர் 4ஆம் தேதி பெட்ரோல் விலை லிட்டருக்கு ரூ 5ம், டீசல் விலை ரூ 10ம் மத்திய அரசால் குறைக்கப்பட்டது. அன்றைய தினம் தமிழ்நாட்டில் லிட்டர் பெட்ரோல் ரூ 101. 40 க்கும் டீசல் விலை ரூ 91. 43க்கும் விற்பனையானது. இதனைத் தொடர்ந்து 5 மாநில தேர்தல் நடைபெற்றதால் விலை உயர்த்தப்படாமல் இருந்தது.
இதன் காரணமாக பெட்ரோல் மற்றும் டீசல் விலையில் கடந்த மே மாதம் 22ஆம் தேதி முதல் மாற்றம் ஏற்பட்டது. ஒரு லிட்டர் பெட்ரோல் விலை ரூபாய்க்கு 8உம், டீசல் விலை ரூபாய்க்கு 6உம் கலால் வரி குறைப்பால் இறக்கம் கண்டது. இந்நிலையில் மாற்றம் செய்யப்பட்ட பெட்ரோல், டீசல் விலை 127ஆவது நாளாக விலை மாற்றமின்றி விற்பனை செய்யப்படுகிறது. அதன்படி இன்று (செப்டம்பர்.25) ஒரு லிட்டர் பெட்ரோல் விலை ரூ.102.63க்கும், டீசல் விலை லிட்டருக்கு 94.24 ரூபாய்க்கும் மாற்றமில்லாமல் விற்பனையாகிறது. முன்னதாக எரிபொருள் விலை உயர்வால் பால், டீ, காய்கறிகள், இதர உணவுப் பொருள்களின் விலை ஏறியது.
தற்போது பெட்ரோல் விலை குறைந்த நிலையில் ஏற்றிய அத்தியாவசியப் பொருட்களின் விலையைக் குறைப்பார்களா என்று பொதுமக்கள் தொடர்ந்து கேள்வி எழுப்பி வருகின்றனர். அதேசமயம், தொடர்ந்து இரண்டு மாதங்களுக்கும் மேலாக பெட்ரோல், டீசல் விலை எவ்வித மாற்றமில்லாமல் விற்பனையாகி வருவதால் வாகன ஓட்டிகள், பொதுமக்கள் ஓரளவு கவலையின்றி உள்ளனர் என்பது குறிப்பிடத்தக்கது.
கடந்த மாதத் தொடக்கத்தில், புதிதாக ஆட்சியேற்ற மகாராஷ்டிரா மாநில அரசு பெட்ரோலின் மீதான மதிப்பு கூட்டப்பட்ட வரியை (வாட்) ஒரு லிட்டருக்கு 5 ரூபாயும், டீசலுக்கு ஒரு லிட்டருக்கு 3 ரூபாயும் குறைப்பதாக அறிவித்ததோடு வாக்குறுதியையும் நிறைவேற்றியது.
பாரத் பெட்ரோலியம் கார்ப்பரேஷன் லிமிடெட் (பிபிசிஎல்), இந்தியன் ஆயில் கார்ப்பரேஷன் லிமிடெட் (ஐஓசிஎல்) மற்றும் ஹிந்துஸ்தான் பெட்ரோலியம் கார்ப்பரேஷன் லிமிடெட் (எச்பிசிஎல்) உள்ளிட்ட பொதுத்துறை ஓஎம்சிகள் சர்வதேச அளவுகோல் விலைகள் மற்றும் அந்நிய செலாவணி விகிதங்களுக்கு ஏற்ப தினசரி எரிபொருள் விலையை மாற்றியமைக்கின்றன. பெட்ரோல், டீசல் விலையில் ஏற்படும் எந்த மாற்றமும் தினமும் காலை 12 மணி முதல் அமலுக்கு வருவது குறிப்பிடத்தக்கது.
- - - - - - - - - Advertisement - - - - - - - - -