Breaking LIVE: பாமகவின் தலைவரானார் அன்புமணி ராமதாஸ்
தமிழ்நாடு, இந்தியா,உலகம்,விளையாட்டு உள்ளிட்ட முக்கிய செய்திகளின் உடனுக்குடன் தகவல்கள் இங்கே தெரிந்து கொள்ளலாம்
பாட்டாளி மக்கள் கட்சியின் தலைவராக அன்புமணி ராமதாஸ் ஒருமனதாக தேர்வு செய்யப்பட்டார்
கடலூர் மத்திய பேருந்து நிலையத்திற்கு பெயர் மாற்றத்தை கண்டித்து அமமுகவினர் கண்டன ஆர்ப்பாட்டத்தில் ஈடுபட்டுள்ளனர்.
சேலத்தில் சாலையில் சென்று கொண்டிருந்த ஆம்னி காரில் தீ விபத்து ஏற்பட்டுள்ளது.
எதிர்வரும் ஜூன் 3ம் தேதி, முன்னாள் முதல்வர் கருணாநிதியின் 99வது பிறந்தநாள் கொண்டாடப்படவுள்ள நிலையில் அது குறித்தும் கூட்டத்தில் ஆலோசிக்கப்படவுள்ளது
திமுக மாவட்ட செயலாளர்கள் கூட்டம் , திமுக தலைவரும் முதல்வருமான முக ஸ்டாலின் தலைமையில் தொடங்கியது. சென்னை அண்ணா அறிவாலயத்தில் இந்தக் கூட்டம் நடைபெற்று வருகிறது.
சென்னை பல்லாவரம் அடுத்த பொழிச்சலூரில் ஒரே குடும்பத்தை சேர்ந்த நான்கு பேர் உயிரிழப்பு.
தனியார் நிறுவன ஊழியர் பிரகாஷ்(41), அவரது மனைவி காயத்திரி (39), மகள் நித்யஸ்ரீ(13), மகன் ஹரி கிருஷ்ணன் (8), ஆகியோரை மரம் அறுக்கும் ரம்பத்தால் கொலை செய்து விட்டு பிரகாஷ் தானும் தற்கொலை செய்து கொண்டதாக முதற்கட்ட தகவல்.
சங்கர் நகர் போலீசார் நிகழ்விடத்திற்கு வந்துள்ளனர்.
பொழிச்சலூரில் மனைவி இரு பிள்ளைகளை மரம் அறுக்கும் கருவியால் அறுத்து கொலை செய்த தந்தை தானும் தற்கொலை.
கோவையில் பிரபல ஆனந்தாஸ் ஹோட்டல் குழும உணவகங்களில் வருமான வரித்துறை சோதனை
வடவள்ளி, காந்திபுரம், லட்சுமி மில் உட்பட நகரின் பல்வேறு பகுதிகளில 40 குழுக்களாக பிரிந்து வருமான வரித்துறை அதிகாரிகள் சோதனை நடத்தி வருகின்றனர்
நீலகிரி கூடலூர் அருகே காட்டுயானை தாக்கி பெண் பலி - காட்டுயானை தொடர் தாக்குதல் நடத்துவதாகவும், வனத்துறை கண்டுகொள்ளவில்லை எனவும் நள்ளிரவில் பொதுமக்கள் போராட்டம்
காரைக்கால் அருகே மீனவர் கிராமத்தை சேர்ந்த 3 குழந்தைகள் உட்பட 10க்கும் மேற்பட்டோருக்கு வாந்தி மயக்கம். அரசு மருத்துவமனையில் தீவிர சிகிச்சை.
முதல்வரின் அறிவிப்பை அடுத்து ரூ.1.56 கோடி செலவில் முன்னாள் முதல்வர் கருணாநிதியின் சிலை அமைக்கும் பணிகள் துரிதமாக நடைபெற்றன. 16 அடியில் வெண்கல சிலையாக இது இருக்குமென்றும், இதுதான் தற்போது இருப்பதிலேயே உயரமான கருணாநிதி சிலையாக இருக்குமென்றும் கூறப்படுகிறது.
அண்ணா சாலையில் பெரியார் மற்றும் அண்ணா சிலைக்கு நடுவே முன்னாள் முதல்வர் கருணாநிதியின் சிலை நிறுவப்பட உள்ளது
சென்னையில் அமைந்துள்ள பல்நோக்கு அரசு மருத்துவமனை வளாகத்தில் அமைய உள்ள முன்னாள் முதல்வர் கருணாநிதி சிலையை குடியரசு துணைத் தலைவர் வெங்கய்யா நாயுடு இன்று திறந்து வைக்கவுள்ளார்.
பிரஞ்சு ஓபன் டென்னிஸ் தொடரில் ரஃபேல் நடால் மற்றும் நோவக் ஜோகோவிச் ஆகிய இருவரும் 4ஆவது சுற்றுக்கு முன்னேறியுள்ளனர்.
ஐபிஎல் தொடரில் நேற்று நடைபெற்ற குவாலிஃபையர் போட்டியில் ராயல் சேலஞ்சர்ஸ் பெங்களூரு அணியை வீழ்த்தி ராஜஸ்தான் இறுதிப் போட்டிக்கு முன்னேறியுள்ளது.
உத்தரப்பிரதேச சட்டப்பேரவைக்குள் செல்ஃபி எடுக்க சபாநாயகர் தடைவிதித்து உத்தரவிட்டுள்ளார்.
தமிழ்நாட்டில் இன்றுடன் அக்னி நட்சத்திர வெயில் முடிவுக்கு வருகிறது.
தமிழ்நாட்டில் ஜூன் 1ஆம் தேதி மெகா தடுப்பூசி முகாம் நடைபெற உள்ளதாக சுகாதாரத்துறை அறிவிப்பு
தேசிய கல்வி கொள்கையை ஏற்க மாட்டோம் என்று உயர்கல்வித்துறை அமைச்சர் பொன்முடி தெரிவித்துள்ளார்.
Background
சென்னையில் அமைந்துள்ள பல்நோக்கு அரசு மருத்துவமனை வளாகத்தில் அமைய உள்ள முன்னாள் முதல்வர் கருணாநிதி சிலையை குடியரசு துணைத் தலைவர் வெங்கய்யா நாயுடு இன்று திறந்து வைக்கவுள்ளார்.
அறிவிப்பு...
ஏப்ரல் 26-ஆம் தேதி சட்டப்பேரவையில் 110 விதியின் கீழ் முதல்வர் ஸ்டாலின் முக்கிய அறிவிப்பை வெளியிட்டார். மறைந்த முன்னாள் முதல்வர் கருணாநிதி குறித்து நினைவுகளை பகிர்ந்துகொண்ட ஸ்டாலின், கலைஞர் கருணாநிதி பிறந்தநாள் அரசு விழாவாக கொண்டாடப்படும் என்றார். மேலும், “தமிழர்களே, தமிழர்களே நீங்கள் என்னை கடலில் தூக்கி போட்டாலும் கட்டுமரமாகத்தான் மிதப்பேன். அதில் ஏறி பயணம் செய்யலாம் என கூறியவர் கருணாநிதி. நின்ற தேர்தலில் எல்லாம் வென்ற தலைவர் கலைஞர் கருணாநிதி.
13 முறை சட்டமன்ற உறுப்பினராக இருந்து 60 ஆண்டுகள் சட்டமன்றத்தில் பணியாற்றியவர். 5 முறை தமிழக முதல்வராக இருந்து 19 ஆண்டுகள் தமிழகத்தை ஆட்சி செய்தவர். இந்தியாவின் குடியரசுத் தலைவர்களாலும், பிரதமர்களாலும் பாராட்டப்பட்டவர் கருணாநிதி. அவருடையை பிறந்தநாளான ஜூன் 3ம் தேதி அரசு விழாவாக கொண்டாடப்படும். சென்னை அண்ணா சாலையில் உள்ள ஓமந்தூரார் தோட்டத்தில் கருணாநிதியின் சிலை நிறுவப்படும்” எனத் தெரிவித்தார். அண்ணா சாலையில் பெரியார் மற்றும் அண்ணா சிலைக்கு நடுவே முன்னாள் முதல்வர் கருணாநிதியின் சிலை நிறுவப்பட உள்ளது எனக் குறிப்பிட்டார்.
சிலை..
முதல்வரின் அறிவிப்பை அடுத்து ரூ.1.56 கோடி செலவில் முன்னாள் முதல்வர் கருணாநிதியின் சிலை அமைக்கும் பணிகள் துரிதமாக நடைபெற்றன. 16 அடியில் வெண்கல சிலையாக இது இருக்குமென்றும், இதுதான் தற்போது இருப்பதிலேயே உயரமான கருணாநிதி சிலையாக இருக்குமென்றும் கூறப்படுகிறது.
அதன்படி அந்த சிலையை திறந்துவைக்க இன்று குடியரசு துணைத் தலைவர் வெங்கய்யா நாயுடு சென்னை வரவுள்ளார். இன்று மாலை சிலை திறப்பு நடைபெறும் எனத் தெரிவிக்கப்பட்டுள்ளது.
ஆய்வு..
இன்று சிலை திறப்பு நடைபெறவுள்ள நிலையில் அதற்கான இறுதிகட்ட பணிகளை தமிழக முதலமைச்சர் மு.க.ஸ்டாலின் நேற்று ஆய்வு செய்தார். முதல்வர் ஆய்வின்போது அமைச்சர்கள் துரைமுருகன், பொன்முடி, எ.வ.வேலு ஆகியோர் உடன் இருந்தனர்.
- - - - - - - - - Advertisement - - - - - - - - -