தேவையான பொருட்கள்
சுறா மீன் - 1/2 கிலோ, வெங்காயம் - 4, பூண்டு - 20 பல் பெரியது, இஞ்சி - 1 பெரிய துண்டு ,பச்சை மிளகாய் - 3, தனி மிளகாய் தூள் - 1 ஸ்பூன், மஞ்சள் தூள் - ½ ஸ்பூன், மல்லி தூள் - ½ ஸ்பூன், மிளகு தூள் - 1 ஸ்பூன், உப்பு - தேவையான அளவு, எண்ணெய் - தேவையான அளவு, கறிவேப்பிலை - சிறிதளவு கொத்தமல்லி தழை - சிறிதளவு கடுகு - ½ ஸ்பூன்
செய்முறை
வெங்காயம், கொத்தமல்லி, பச்சை மிளகாய், பூண்டு, இஞ்சி ஆகியவற்றை பொடியாக நறுக்கிகொள்ளவும். சுறா மீனை ஆய்ந்து சுத்தம் செய்து நன்கு கொதித்த வெந்நீரில் 5 முதல் 8 நிமிடம் வரை போட்டு வைக்க வேண்டும். பின் சுறா மீனை வெந்நீரில் இருந்து எடுத்து மீனின் மேல் உள்ள தோலை எடுத்து உறித்தெடுத்துவிட வேண்டும்.
மீனில் தண்ணீர் இல்லாமல் நன்கு பிழிந்து எடுத்துக் கொள்ள வேண்டும். பிழிந்து எடுத்த மீனை நன்கு உதிர்த்துக் கொள்ள வேண்டும். மீனை நன்கு உதிர்த்த பின் அதில் மஞ்சள் தூள், மிளகாய் தூள், மல்லி தூள், மிளகு தூள் தேவையான அளவு உப்பு சேர்த்து நன்கு மீன் முழுவதும் பிசைந்து கொள்ள வேண்டும். மசாலா மீன் முழுவதும் கலக்குமாறு நன்கு கலந்து விடவும். இந்த மீன் கலவையை ஒரு அரை மணி நேரம் அப்படியே மூடி வைத்து விட வேண்டும். ஒரு வாணலில் எண்ணெய் ஊற்றி சூடானதும் கடுகு, கறிவேப்பிலை சேர்த்து தாளித்த பின் பொடியாக நறுக்கிய பூண்டு, பச்சை மிளகாய், இஞ்சி சேர்த்து வதக்க வேண்டும். வதங்கியதும் வெங்காயம் சேர்த்து வதக்கவும். வெங்காயம் நன்கு வதங்கியதும் தயார் செய்து வைத்துள்ள மீன் மசாலாவை வாணலில் சேர்த்து நன்கு கிளறவும். 10 நிமிடம் மிதமான தீயில் வைத்து நன்கு கிளறி விட வேண்டும். 10 நிமிடத்திற்கு பிறகு சுறா புட்டு நன்கு உதிரி உதிரியா வந்திருக்கும். இப்போது சிறிதளவு கொத்தமல்லி தழை சேர்த்து கிளறி இறக்கினால் சுவையான சுறா புட்டு ரெடி. இதை நீங்கள் அப்படியே சாப்பிடலாம். அல்லது வடித்த சாதத்துடன் மீன்குழப்பு மற்றும் சுறா புட்டை சைடிஷ்சாக வைத்து சாப்பிட்டால் நன்றாக இருக்கும்.
மேலும் படிக்க
Crime: மனைவி, மச்சான், கொழுந்தியாளை துப்பாக்கியால் சுட்டுக்கொன்ற இளைஞர் - நடந்தது என்ன?