சுவையான உணவை உண்ணவே நாம் எல்லோரும் விரும்புவும் அதே நேரத்தில் அந்த உணவு ஆரோக்கியமானதாகவும் இருந்தால் நிச்சயம் அந்த உணவை நாம் தேர்ந்தெடுப்போம் தானே?. இப்போது நாம் வழக்கமாக சாப்பிடும் ஒரு ரெசிபியை எப்படி ஆரோக்கியமானதாக தயார் செய்வது என்பது குறித்து தான் பார்க்க போறோம். பீட்ரூட் இட்லி பார்ப்பதற்கு கலர்ஃப்புல்லாக இருக்கும். எனவே குழந்தைகள் இதை விரும்பி சாப்பிடுவர். பீட்ரூட் பொரியல், மற்றும் பீட்ரூட் சாதம் சாப்பிட மறுக்கும் குழந்தைகளுக்கு இந்த பீட்ரூட் ரெசிபியை செய்து கொடுக்கலாம். இதனுடன் கார சட்னி வைத்து சாப்பிட்டால் மிகவும் சுவையாக இருக்கும். வாங்க ஆரோக்கியாமான பீட்ரூட் இட்லி எப்படி செய்வதென்று பார்க்கலாம்.
தேவையான பொருட்கள்
1 கப் லேசான வறுத்த ரவை, 1 கப் தயிர், உப்பு சுவைக்கேற்ப, 1/2 கப் பீட்ரூட் அரைத்தது, 1/2 அங்குல இஞ்சி, 3 பச்சை மிளகாய், 1 டீஸ்பூன் முந்திரி பருப்பு, 1 தேக்கரண்டி உளுத்தம் பருப்பு, 5-6 கறிவேப்பிலை, 1 தேக்கரண்டி ஃப்ளேவர் உப்பு.
செய்முறை
1.முதலில் பீட்ரூட்டை நறுக்கி ஒரு டப்பாவில் எடுத்து அதனுடன் பச்சை மிளகாய், இஞ்சி சேர்த்து சிறிது தண்ணீர் கலந்து மிருதுவான மாவாக கரைத்துக் கொள்ளவும்.
2.ஒரு பாத்திரத்தில் ரவை, தயிர், உப்பு மற்றும் அரைத்த பீட்ரூட்டை சேர்த்து சிறிது தண்ணீர் சேர்த்து தோசை மாவு தயார் செய்துக்கொள்ள வேண்டும். இதை அப்படியே சிறிது நேரம் வைத்து விடவும்.
3.இப்போது, ஒரு கடாயில் சிறிது எண்ணெயை சூடாக்கவும். அடுப்பை மிதமான தீயில் வைத்துக்கொள்ள வேண்டும். கடுகு, உளுத்தம் பருப்பு, பொடியாக நறுக்கிய வெங்காயம் மற்றும் கறிவேப்பிலை சேர்த்து தாளிக்கவும்.
4. வதக்கிய பொருட்களை மாவுடன் சேர்க்க வேண்டும்.
5.இதனுடன் ஃப்ளேவர் உப்பு சேர்த்து மாவை மீண்டும் ஒருமுறை நன்கு கிளறி விட வேண்டும். இப்போது இட்லி மாவு தயார் ஆகி விட்டது.
6.மாவை இட்லி தட்டில் ஊற்றி வேக வைத்து எடுக்க வேண்டும். ( இட்லி வெந்து விட்டதா என தெரிந்து கொள்ள ஒரு டீஸ்பூன் அல்லது கத்தியை வைத்து ஒரு இட்லியை குத்திப் பார்க்க வேண்டும். வேகவில்லை என்றால் அதில் மாவு ஒட்டி வரும். ) அவ்வளவுதான் சுவையான ஆரோக்கியமான பீட்ரூட் இட்லி தயாராகி விட்டது. இதை உங்களுக்குப் பிடித்த சட்னி சாம்பார் உடன் வைத்து சாப்பிடலாம்.
மேலும் படிக்க