ஸ்ட்ரீமிங் நிறுவனமான நெட்ஃபிளிக்ஸ் அதன் "ட்ரீம் க்ரூவில்" சேர ஒரு விமானப் பணியாளரைத் தேடுவதாக செய்திகள் வெளியாகி உள்ளன. 


நெட்ஃபிளிக்ஸ்-இல் வேலை


நெட்ஃபிளிக்ஸ் என்றதும் நடிப்பதற்கு ஆள் தேடுகிறார்கள் என்று நினைக்க வேண்டாம், நிறுவனம் உண்மையில் கலிபோர்னியாவின் சான் ஜோஸில் உள்ள அதன் லாஸ் கேடோஸ் தலைமையகத்திற்கு அருகில் அதன் தனியார் ஜெட் விமானங்களில் ஒன்றிற்கு விமானக் குழுவைத் தேடுகிறது. இந்த வேலை Netflix இன் அதிகாரப்பூர்வ இணையதளத்தில் பட்டியலிடப்பட்டுள்ளது.


ஸ்ட்ரீமிங் நிறுவனமானது இதற்கு விண்ணப்பிப்பவர்களுக்கு கவர்ச்சியான சம்பளம் மற்றும் லாபகரமான சலுகைகளையும் அறிவித்துள்ளது. நெட்ஃபிளிக்ஸ் அதன் இணையதளத்தில் வடக்கு கலிபோர்னியாவை தளமாகக் கொண்ட விமான உதவியாளருக்கு முன்னணி நிலையை வழங்குவதாகக் குறிப்பிட்டுள்ளது. தேர்வு செய்யப்படும் பொருத்தமான விண்ணப்பதாரர் கேபின் மற்றும் பயணிகள் பாதுகாப்பு மற்றும் விமான அவசரகால வெளியேற்றம் ஆகியவற்றில் தொழில் ரீதியாக பயிற்சியளிக்கப்படுவார் என்று நிறுவனம் மேலும் குறிப்பிடுகிறது.



விண்ணப்பிக்க தகுதி


தேர்வு செய்யப்படுபவர் SJC-அடிப்படையிலான விமானப் பணியாளராக ஒரு சூப்பர் மிட்சைஸ் ஜெட் விமானத்தில் முதன்மை விமான உதவியாளராக இருப்பார். "வடக்கு கலிபோர்னியாவை தளமாகக் கொண்ட விமான உதவியாளருக்கான முன்னணி நிலைக்கு ஆட்கள் தேவை, மேலும் தேர்வு செய்யப்படும் விண்ணப்பதாரர் கேபின் மற்றும் பயணிகள் பாதுகாப்பு மற்றும் விமான அவசரகால வெளியேற்றம் ஆகியவற்றில் தொழில் ரீதியாக பயிற்சி பெறுவார். பயணம் செய்யும் போது, சுதந்திரம் மற்றும் பொறுப்பின் Netflix கலாச்சாரத்தை ஏற்றுக்கொள்கிறீர்கள் என்று அர்த்தம். எங்கள் பயணிகளுக்கு தடையற்ற அனுபவத்தை வழங்குவதற்குத் தேவையான சுதந்திரமான தீர்ப்பு, விவேகம் மற்றும் சிறந்த வாடிக்கையாளர் சேவைத் திறன் ஆகியவற்றையும் நீங்கள் நிரூபித்துக் கட்டவேண்டும்,” என்று வேலை விவரம் மேலும் கூறுகிறது.


தொடர்புடைய செய்திகள்: Munnar: பனிப்பொழிவால் உறையும் மூணாறு.. மகிழ்ச்சியில் சுற்றுலா பயணிகள்... கவலையில் தேயிலை தோட்டக்காரர்கள்


எப்படிப்பட்டவர் வேண்டும்?


"விமானப் பணியாளர், விமான மேலாளரிடம் புகார் அளிப்பார், மேலும் அனைத்து கேபின் மற்றும் காக்பிட் அவசர உபகரணங்களையும் விமானம் புறப்படும் முன்பு ஆய்வு செய்ய வேண்டும். ஒவ்வொரு விமான பயணத்திற்கு முன்பும் பாதுகாப்பு மற்றும் அவசரகால நடைமுறைகள் பற்றிய விளக்கத்தை உதவியாளர் நடத்த வேண்டும். மேலும் விமானம் டேக்ஆஃப் மற்றும் தரையிறங்கத் தொடங்கும் முன் கேபின் பாதுகாப்பாக இருப்பதை உறுதிசெய்ய வேண்டும். பணிபுரிய விரும்புபவர் உள்நாட்டு மற்றும் வெளிநாட்டுப் பயணம் உட்பட பல்வேறு பணி அட்டவணையில் பயணம் செய்ய தயாராக இருக்க வேண்டும் என Netflix விரும்புகிறது. வார இறுதி நாட்கள், விடுமுறை நாட்கள் மற்றும் நீட்டிக்கப்பட்ட பயணக் காலங்களிலும் அவர்கள் வேலை செய்ய வேண்டும். மற்றும் மிக முக்கியமாக, விமானப் பணியாளர் என்னும் பட்சத்தில் நீண்ட நேரம் நிற்க வேண்டி இருக்கும்", என்று கூறப்பட்டுள்ளது.



ஆண்டுக்கு 3 கோடி சம்பளம்


இது தவிர, விமானப் பணியாளர் "பயணங்களுக்கு முன் பயணிகளின் பெட்டிகளை எடுத்துச்செல்ல உதவ வேண்டும், விமானத்தை ஏற்றும் போது 30 பவுண்டுகள் வரை தூக்கி எடுத்துச் செல்லும் திறன், நீண்ட நேரம் நிற்கும் திறன், சாமான்களை ஏற்றுவதற்கு உதவும் அளவு உடல் வலிமை தேவை" என்று நெட்ஃபிளிக்ஸ் கூறுகிறது. நெட்ஃபிளிக்ஸ் இந்த பாத்திரத்திற்காக அதிக சம்பள தொகுப்பை வழங்க தயாராக உள்ளது. $60,000 முதல் $3,85,000 வரை சம்பளம் வழங்க தயாராக இருப்பதாக நிறுவனம் குறிப்பிடுகிறது. அதாவது, Netflix விமானப் பணியாளர் ஆண்டுக்கு ரூ. 3 கோடி வரை சம்பளம் பெறலாம்.