மத்திய அரசு நிறுவனமான ரைட்ஸ் (Rail India Technical and Economic Service Limited, abbreviated as RITES ) என்றழைக்கப்படும் நிறுவனத்தில் வேலைவாய்ப்பு அறிவிப்பு வெளியாகியுள்ளது. மினி ரத்னா நிறுவனத்தில் கீழ் இயங்கும் ரைட்ஸ் அலுவலகத்தில் துணை பொது மேலாளர் மற்றும் உதவி மேலாளர் உள்ளிட்ட பணியிடங்கள் நிரப்பப்பட உள்ளன. இதற்கு விண்ணப்பிக்க விரும்புவோர் சட்டம் பயின்றிருக்க வேண்டுமென தெரிவிக்கப்பட்டுள்ளது.
பணி விவரம்:
துணை பொது மேலாளார் ( Deputy General Manager (Legal))
உதவி மேலாளர் ( Assistant Manager (Legal))
கல்வித் தகுதி:
இந்தப் பணிகளுக்கு விண்ணப்பிக்க அரசு அங்கீகாரம் பெற்ற கல்வி நிறுவனத்தில் மூன்று ஆண்டுகள் அல்லது இரண்டு ஆண்டுகள் சட்டப் படிப்பு படித்திருக்க வேண்டும். மேலும், சட்டத் துறையில் குறைந்தது ஒன்பது ஆண்டுகள் பணி அனுபவம் இருப்பது அவசியம்.
ஊதிய விவரம்:
இந்தப் பணிக்கு ரூ.70,000 முதல் 2,00,000 வரை மாத ஊதியமாக வழங்கப்பட உள்ளது.
வயது வரம்பு:
துணை பொது மேலாளர் பணிக்கு 50 வயதுக்கு மிகாமலும், உதவி மேலாளர் பணிக்கு 40 வயதுக்கு மிகாமல் இருக்க வேண்டும் என்று அதிகாரப்பூர்வ அறிவிப்பில் தெரிவிக்கப்பட்டுள்ளது.
தேர்வு செய்யப்படும் முறை:
பணி அனுபவம், எழுத்துத் தேர்வு மற்றும் நேர்முகத் தேர்வு அடிப்படையில் தகுதியானவர்கள் தேர்வு செய்யப்படுவர். எழுத்துத் தேர்வில் எடுக்கும் மதிப்பெண் அடிப்படையில் தகுதி பட்டியல் உருவாக்கப்படும்.
விண்ணப்பக் கட்டணம்:
இந்தப் பணிக்கு விண்ணப்பிக்க, பொதுப்பிரிவினர் மற்றும் பிற்படுத்தப்பட்ட பிரிவினருக்கு ரூ.600-யும் பட்டியல்/ பழங்குடியின பிரிவினருக்கு ரூ.300-யும் கட்டணமாக செலுத்த வேண்டும். விண்ணப்ப கட்டனத்தை ஆன்லைனில் மட்டுமே செலுத்த வேண்டும்.
எப்படி விண்ணப்பிப்பது?
http://www.rites.com என்ற இணையதளத்தின் மூலம் ஆன்லைனில் விண்ணப்பிக்க வேண்டும். தேவையான கல்வி, பணி அனுபவ சான்றிதழ் உள்ளிட்டவற்றை அப்லோடு செய்து விண்ணப்பத்தை பூர்த்தி செய்வது போதுமானது.
ஆன்லைனில் விண்ணப்பிக்க கடைசி தேதி: 18.10.2022
விண்ணப்பித்தவர்களுக்கு தேர்வு நடைபெறும் நாள் மற்றும் தேதி விவரங்கள் குறித்து தெரிவிக்கப்படும் என்று அதிகாரப்பூர்வ அறிவிப்பில் குறிப்பிடப்பட்டுள்ளது.
தேர்வுக்கான பாடத்திட்டம்:
இந்தத் தேர்வுக்கு எலக்டிசிட்டி சட்டம் உள்ளிட்ட சட்டம் சார்ந்த கேள்விகள் கேட்கப்படும் என்று கூறப்பட்டுள்ளது.
இது குறித்த கூடுதல் விவரங்கள் அறிய https://www.rites.com/Upload/Career/VC_No_56-57_22_pdf-2022-Sep-26-16-30-59.pdfஎன்ற லிங்கை கிளிக் செய்து காணவும்.
மேலும் வாசிக்க..
IOCL Jobs: இந்தியன் ஆயில் கார்ப்பரேஷனில் பல்வேறு பணிகளுக்கு வேலைவாய்ப்பு; விண்ணப்பிப்பது எப்படி?
Indian Bank Jobs: இந்தியன் வங்கியில் கொட்டிக் கிடக்கும் வேலைவாய்ப்புகள்... விண்ணப்பிப்பது எப்படி?