Maveeran update : எளிமையாக இருக்கும் நடிகர்களுள் விஜய் சேதுபதியும் (Vijay sethupathi) ஒருவர். அதனால் தான் அவரை மக்கள் செல்வன் விஜய் சேதுபதி என அழைக்கின்றனர். விஜய் சேதுபதி பல நட்சத்திரங்களுடன் இணைந்து நடித்துள்ளார். மற்ற நட்சத்திரங்களுடன் சேர்ந்து நடிக்க இவர் ஒருபோதும் தயக்கம் காட்டியதில்லை.
தற்போது நடிகர் சிவாகார்த்திகேயன்(Sivakarthikeyan), தேசிய விருது பெற்ற மடோன் அஸ்வினுடன் கைகோர்த்து “மாவீரன்”(Maveeran) படத்தில் நடிக்கவுள்ளார். இப்படம் குறித்த தகவல்கள் சில நாட்களுக்கு முன்பு அதிகார பூர்வமாக வெளியானது. படப்பிடிப்பு அடுத்த வாரம் துவங்கும் நிலையில், நடிகர் விஜய்சேதுபதியை ஒரு முக்கியமான கதாப்பாத்திரத்தில் நடிக்க கோரி இப்பட குழுவினர் அணுகியுள்ளனர்.
மக்கள் செல்வனிடமிருந்து எந்த பதிலும் வராத நிலையில், படத்தில் இவர் நடிப்பாரா? மாட்டாரா? எனும் பெரும் கேள்வி எழும்பியுள்ளது. இரு நட்சத்திரங்களும் மார்க்கெட்டின் டாப்பில் உள்ளதால், மாவீரனில் இருவரும் இணைந்து நடித்தால் படத்தின் ரீச் வேற லெவலில் இருக்கும் என ரசிகர்கள் கருதுகின்றனர்.
தமிழில் 'மாவீரன்' என்றும் தெலுங்கில் 'மகாவீருடு' என்ற பெயரிலும் வெளியாகவுள்ளது. முன்னதாக, இந்த திரைப்படத்தில் கவுண்டமணி நடிக்க உள்ளதாக தகவல் வெளியானது. இவர் சிவகார்த்திகேயனின் பெரியப்பா கதாபாத்திரத்தில் நடிக்கப் போவதாகக் கூறப்படுகிறது. நகைச்சுவை கலந்த நடிப்புடன் கலக்கி வருபவர் சிவகார்த்திகேயன். அவரது படத்தில் கவுண்டமணி ரீ என்ட்ரி கொடுப்பது இருவருக்குமே சிறந்த அனுபவமாக இருக்கும் என்று எதிர்பார்க்கப்படுகிறது. சூரி-சிவகார்த்திகேயன் காம்போவை பீட் செய்யுமா கவுண்டமணி - சிவகார்த்திகேயன் காம்போ என்பதை காத்திருந்துதான் பார்க்க வேண்டும். சிவாவிற்கு ஜோடியாக பாலிவுட் நடிகை கியாரா அத்வானியும், வில்லனாக இயக்குநர் மிஸ்கினும் நடிக்கவுள்ளதாக தகவல் வந்தது. ஆனாலும் இதைப்பற்றி எந்தவொரு அதிகார பூர்வமான தகவலும் வெளியாகவில்லை என்பது குறிப்பிடதக்கது.
Also read : இயக்குனர் மிஷ்கின் உடன் இணையும் நடிகர் சிவகார்த்திகேயன்... புதிய படத்திற்கு குவியும் அப்டேட்!