Leo Salary: லியோ படத்தில் விஜய்க்கு வில்லனாக நடித்துள்ள சஞ்சய் தத் கோடிகளில் சம்பளம் வாங்கி இருப்பது இணையத்தில் வைரலாகி வருகிறது.
கைதி, மாஸ்டர், விக்ரம் என பிளாக்பஸ்டர் படங்களை கொடுத்த லோகேஷ் கூட்டணியில் விஜய் நடித்துள்ள லியோ படம் இன்று ரிலீசாகி திரையரங்குகளில் ஓடிக்கொண்டிருக்கிறது. மிகப்பெரிய அளவில் நடிகர்கள் பட்டாளத்துடன், மிரட்டும் அனிருத் இசையில் வெளிவந்துள்ள லியோ படம் ரசிகர்களின் வரவேற்பை பெற்று வருகிறது.
லோகேஷ் கனகராஜ் கூட்டணியில் ஹீரோவுக்கு பலர் வில்லனாக நடிப்பது வழக்கம். அந்த வகையில் லியோவில், விஜய்க்கு வில்லனாக அர்ஜூன், சஞ்சய் தத், சாண்டி மாஸ்டர், மிஷ்கின் உள்ளிட்டோர் வில்லனாக நடித்து கெத்து காட்டியுள்ளனர். ஆக்ஷனில் பட்டையை கிளப்பும் விஜய்க்கு வில்லனாக அர்ஜூன் மட்டும் நடிக்காமல், பாலிவுட் ஸ்டார் சஜ்சய் தத் நடித்து மிரட்டியுள்ளார். வில்லன்களுடன் மோதும் விஜய்யின் சிறப்பான நடிப்பு தியேட்டர்களில் அப்லாஸ்களை வாங்க வைத்துள்ளது.
இந்த நிலையில், லியோ படத்தில் விஜய்க்கு வில்லனாக நடித்த சஞ்சய் தத் ரூ. 8 கோடி சம்பளமாக பெற்றுள்ளதாக கூறப்படுகிறது. வழக்கத்திற்கு மாறாக அதிகமான வில்லன்களுடன் விஜய் மோதும் காட்சிகளில் தன்னுடைய தோற்றத்தால் மிரள செய்துள்ளார் சஞ்சய் தத். இதனால் இவர் 8 ஓடி ரூபாய் வரை சம்பளம் பெற்றிருக்கலாம் என கூறப்படுகிறது.
படத்தின் ரிலீஸ்க்கு முன்னதாக உலகளவில் பாக்ஸ் ஆபிஸ் கலெக்ஷனை தொடங்கிய லியோ, முதல் நாளில் இந்தியாவில் கிட்டத்தட்ட ரூ. 40 கோடியும், உலகளவில் ரூ.100 கோடிக்கும் வசூலை வாரி குவிக்கும் என எதிர்பார்க்கப்படுகிறது. மேலும், வழக்கமான ஜானரில் இருந்து ரசிகர்களுக்கு, விஜய்யின் லியோ படம் செம ட்ரீட் கொடுத்து வருவதால், ஒட்டுமொத்தமாக பாக்ஸ் ஆபிஸ் கலெக்ஷன் ஆயிரம் ரூபாய் கோடியை அள்ளும் என ரசிகர்கள் கூறி வருகின்றனர்.
செவன் கிரீஸ் ஸ்டுடியோஸ் தயாரிப்பில் விஜய், த்ரிஷா, சஞ்சய் தத், அர்ஜூன், கௌதம் வாசுதேவ் மேனன், மிஷ்கின் என பலர் நடித்துள்ள லியோ படத்துக்கு மிரட்டல் இசையை அனிருத் வழங்கியுள்ளார்.
மேலும் படிக்க: Leo OTT Release Date: லியோ எந்த ஓடிடி தளத்தில் ரிலீசாகுது? எப்போது தெரியுமா?