இயக்குநர் வெற்றிமாறன் இயக்கத்தில் சூர்யா நடிப்பில் உருவாகிவரும் ’வாடிவாசல்’ திரைப்படத்தின் டைட்டில் லுக் இன்று வெளியாகியுள்ளது. டைட்டில் லுக் போஸ்டரை நடிகர் சூர்யா தனது ட்விட்டர் பக்கத்தில் வெளியிட்டுள்ளார். டைட்டில் லுக் வெளியான சில மணி நேரங்களிலேயே ட்விட்டரில் இந்திய அளவில் டிரெண்டாகி வருகின்றது.
சூர்யாவைத் தொடர்ந்து, படக்குழுவினரும் தங்களது சமூக வலைதள பக்கத்தில் போஸ்டரை பகிர்ந்து வருகின்றனர். அந்த வரிசையில், தயாரிப்பாளர் கலைப்புலி எஸ். தாணு, “நம் வீரத்தையும் வரலாற்றையும் சுமந்து நிற்கும் #வாடிவாசல் திரைப்படத்தின் டைட்டில் லுக்கை உங்கள் பார்வைக்கு வெளியிடுவதில் பேரின்பமும் பெருமையும் கொள்கிறேன்” என பதிவிட்டுள்ளார்.
எழுத்தாளர் சி.சு.செல்லப்பாவின் வாடிவாசல் கதையை மையமாக வைத்து அதே தலைப்பில் உருவாகிவரும் இந்த படத்துக்கு ஜி.வி.பிரகாஷ் இசையமைக்கிறார். முன்னதாக சூர்யா நடிப்பில் வெளியான சூரரைப் போற்று திரைப்படம் இந்தியில் ரீமேக் செய்யப்பட இருக்கிறது என அறிவிப்பு வெளியானது குறிப்பிடத்தக்கது. மற்றொரு பக்கம் நெட்பிளிக்ஸில் வெளிவர இருக்கும் ஆந்தாலஜி நாடகமான ‘நவரசா’விலும் சூர்யா நடித்திருக்கிறார். இதனால் சூர்யா ரசிகர்கள் இந்த ஆண்டு தொடர்ச்சியாகப் பல சர்ப்ரைஸ்களை எதிர்பார்க்கலாம்.
Vikram Movie : கமல், விஜய் சேதுபதி நடிக்கும் விக்ரம் ஷூட்டிங் ஆரம்பம்.. தெறிக்கவிடும் ரசிகர்கள்..!
தமிழ் சினிமாவின் முன்னணி நடிகர் சூர்யாவின் நடிப்பில் சுதா கொங்ரா இயக்கத்தில் வெளியான படம் ’சூரரைப் போற்று'. இந்த படம் இப்போது ஹிந்தியில் ரீமேக் செய்யப்பட உள்ளது. சூர்யாவின் தயாரிப்பு நிறுவனமான 2டி என்டர்டெய்ன்மென்ட் மற்றும் அபண்டன்ஷியா என்டர்டெய்ன்மென்ட்(Abundantia Entertainment) நிறுவனங்கள் இணைந்து சூரரைப்போற்று இந்தி பதிப்பை தயாரிக்க உள்ளனர். தமிழில் இந்தப்படத்தை இயக்கிய சுதா கொங்கரோவே இந்தியிலும் இயக்க உள்ளார் என்பது கூடுதல் சிறப்பு. படத்தில் சூர்யா கதாபாத்திரத்தில் எந்த பாலிவுட் நடிகரை நடிக்க வைக்க உள்ளனர் என்பது குறித்த அறிவிப்பு விரைவில் வெளியாகும் என எதிர்பார்க்கப்படுகிறது. அதேபோல மற்ற நடிகர்கள் குறித்த விவரங்களையும் படக்குழு விரைவில் வெளியிடுவார்கள்.
Valimai Update: ‛வலிமை’ இன்னொரு அப்டேட்; இசை உரிமை குறித்து யுவன் வீடியோ வெளியானது!