Annapoorani: நயன்தாரா நடித்த அன்னபூரணி படம் ஓடிடியில் வெளியாவது குறித்த அதிகாரப்பூர்வ அறிவிப்பு வெளியாகியுள்ளது.
ஐயா படத்தின் மூலம் தமிழ் சினிமாவில் அறிமுகமான நயன்தாரா ரஜினி, விஜய், அஜித், ஷாருக்கான் என முன்னணி ஹீரோக்களுக்கு ஹீரோயினாக நடித்ததுடன், தனித்துவமான படங்களிலும் நடித்து ரசிகர்களால் தமிழ் சினிமாவின் லேடி சூப்பர் ஸ்டார் என அழைக்கப்படுகிறார்.
அண்மையில் நயன்தாரா நடிப்பில் வெளிவந்த ஜவான் படம் ரூ.1000 கோடியை தாண்டி வசூலில் சாதனை படைத்தது. இதற்கிடையே நயன்தாரா நடித்திருந்த அன்னபூரணி படம் கடந்த ஒன்றம் தேதி திரையரங்கிற்கு வந்துள்ளது. நயன்தாராவின் 75வது படமாக உருவாகியுள்ள அன்னபூரணி படத்தை ஷங்கரிடம் உதவி இயக்குநராக இருந்த நிலேஷ் கிருஷ்ணா இயக்கியுள்ளார். அறிமுக இயக்குநரான நிலேஷ் கிருஷ்ணா, நயன்தாராவை வைத்து வித்யாசமான கதையில் அன்னபூரணி படத்தை இயக்கியுள்ளார்.
நயன்தாரா செஃப் ஆக நடித்துள்ள அன்னபூரணி படத்தில் ஜெய், சத்யராஜ், கே.எஸ்.ரவிகுமார், ரெடின் கிங்ஸ்லி, சுரேஷ் சக்கரவர்த்தி, சச்சு, கார்த்திக் குமார் உட்பட பலர் நடித்துள்ளனர். சத்யன் சூரியன் ஒளிப்பதிவு செய்துள்ளார். ஜீ ஸ்டூடியோஸ், நாட் ஸ்டூடியோஸ், டிரைடன்ட் ஆர்ட்ஸ் இணைந்து இந்தப் படத்தைத் தயாரித்துள்ளன.
சைவ குடும்பத்தை சேர்ந்த நயன்தாரா அசைவம் சமைக்க தடுமாறுவதும், பழைய கட்டுக்கதைகளையும் தூக்கி எறிந்துவிட்டு தனது கனவுக்காக போராடுவதும் கதையாக உள்ளது. இதில் நயன்தாராவுக்கு ஜோடியாக ஜெய் நடித்துள்ளார். படத்திற்கு கலவையான விமர்சனங்கள் வந்ததால் பாக்ஸ் ஆபிசில் வசூலை எடுக்கவில்லை.
தெலுங்கு, மலையாளம், கன்னடம், இந்தி, தமிழ் என பல மொழிகளில் வெளியே வந்த அன்னபூரணி படம் ஓடிடி-யில் ரிலீசாகும் தேதி குறித்து அறிவிக்கப்பட்டுள்ளது. அன்னபூரணி படத்தின் ஓடிடி உரிமத்தை நெட்பிளிக்ஸ் நிறுவனம் பெற்றுள்ளது. இந்த நிலையில் நயன்தாராவின் அன்னபூரணி படம் வரும் 29ம் தேதி நெட்பிளிக்ஸில் வெளியாகும் என அறிவிக்கப்பட்டுள்ளது.
மேலும் படிக்க: Salaar Making Video: 3 ஆண்டுகளின் கடின உழைப்பு... சலார் மேக்கிங் வீடியோவை வெளியிட்ட படக்குழு