Marimuthu Death: ரஜினியே என்னை தொடர்பு கொண்டு மாரிமுத்துவை பற்றி பேட்டார் என மாரிமுத்துவின் மறைவு குறித்து உருக்கமாக வைரமுத்து பேசியுள்ளார்.
மாரிமுத்து மறைவு:
பிரபல தொலைக்காட்சியில் ஒளிபரப்பாகும் எதிர்நீச்சல் சீரியல் மூலம் மிகவும் பிர்பலமான மாரிமுத்து இன்று காலை மாரடைப்பு காரணமாக மரணமடைந்தார். அவரது மறைவுக்கு திரைத்துறையினர் இரங்கல் தெரிவித்து வருகின்றனர். ஆரம்ப காலத்தில் வைரமுத்துவுடன் இணைந்து ஒன்றாக பணியாற்றிய மாரிமுத்து குறித்து ஏபிபி நாடு ஊடகத்திற்கு தொலைப்பேசி மூலம் அவரின் நினைவுகளை வைரமுத்து பகிர்ந்து கொண்டார்.
அதில், ”மாரிமுத்து என்ற கலைஞன் இன்று மறைந்து விட்டான், நான் சொல்ல சொல்ல அத்யாயங்களை எழுதியவர் மாரிமுத்து இன்று இல்லை. கல்யாண பூக்கள் எடுத்து கொடுத்த நான், இன்று அவர் சவப்பெட்டிகளில் விழுகின்ற இறுதிப்பூக்களை பார்க்கும்போது என் மனது நொறுங்குகிறது. எனது கவிதை பிரச்சார பீரங்கி மாரிமுத்து. இனி அவர் இல்லை. எனது வரிகளை யார் பிரச்சாரம் செய்வார்கள்..?
வைரமுத்துவிடம் கேட்ட ரஜினி:
கடந்த வாரம் சூப்பர் ஸ்டார் ரஜினிகாந்த் தொலைபேசியில் என்னை தொடர்பு கொண்டார். அப்பொது, மாரிமுத்து உங்களுடன் இருந்தாரா என கேட்டார். தொடர்ந்து என்னிடம் பேசிய ரஜினிகாந்த், ஜெயிலர் படத்தின் ஷீட்டிங் இடைவெளியில் மாரிமுத்து என்னிடம் வந்து உட்கார்ந்து கொள்வார். அவர் வாய் திறந்தால் உங்கள் கவிதைகள் தான் வந்து விழுதும், உங்களை பற்றி நான் கேளாத செய்திகளை எல்லாம் சொல்லி சொல்லி என்னை சிலிர்க்க வைத்து விட்டார். உங்கள் மீது அப்படி ஒரு பாசமா, பற்றா என கேட்டார். அதற்கு அவர் என்னுடன் வளர்ந்த பயன், இலக்கியவாதி என்று சொன்னேன்.
சமூக ஊடகங்களில் மாரிமுத்து என்றால் ஒரு அலை அடிக்கும். எனது உதவியாளர்கள் அவரது வளர்ச்சியை பற்றி கூறும் போது, மாரிமுத்து வளர வேண்டிய பையன் என மெய்சிலிர்ந்தேன். அவர் நினைவுகள் மடிவதில்லை. ஆனால், அவரை இழந்து வாடும் குடும்பத்தை நினைத்து தான் கொந்தளித்து நிற்கிறேன். என் மகனுக்கு பெண் பாருங்கள், என் மகளுக்கு மாப்பிளை பாருங்கள் சொல்லி விட்டு சென்றார். இனி நான் யாருடன் உறவாடுவது. அவரை இழந்து வாடும் குடும்பத்தாருக்கும், நண்பர்களுக்கும் என் ஆழ்ந்த இரங்கல் ஊருக்கெல்லாம் ஆறுதல் நான் சொல்கிறேன். எனக்கு ஆறுதல் யார் சொல்வார்கள்” என உருக்கமாக வைரமுத்து பேசியுள்ளார்.
மேலும் படிக்க: Ethirneechal Marimuthu Passes away: இயக்குநரும், நடிகருமான எதிர்நீச்சல் மாரிமுத்து காலமானார்.. அதிர்ச்சியில் திரையுலக ரசிகர்கள்..!