லவ் டுடே படம் தமிழில் நல்ல வரவேற்பை பெற்றதையடுத்து, தெலுங்கிலும் செம ஹிட் அடித்துள்ளது.
பிரதீப் ரங்கநாதன் , இவானா, சத்யராஜ், ராதிகா சரத்குமார், யோகி பாபு, சூப்பர் சிங்கர் ஆஜித் ஆகியோர் நடிப்பில் நவம்பர் 4 ஆம் தேதி வெளியான திரைப்படம் 'லவ் டுடே'. இப்படம் வெளியான நாள் முதல் பாக்ஸ் ஆபீஸில் நல்ல வசூலை குவித்து இன்றளவும் சாதனை படைத்து வருகிறது. தமிழகத்தில் இப்படத்திற்கு கிடைத்த அமோக வரவேற்பையடுத்து 'லவ் டுடே' திரைப்படம் தெலுங்கில் வெள்ளிக்கிழமையான நேற்று வெளியானது. ரசிகர்கள் இப்படத்தை திரையரங்குகளில் கொண்டாடி வருகிறார்கள்.
நடிகராக புது அவதாரம் எடுத்த இயக்குநர்
ஜெயம் ரவி நடித்த 'கோமாளி' திரைப்படத்தை இயக்கிய டைரக்டர் பிரதீப் ரங்கநாதனின் இயக்கத்தில் “லவ் டுடே” படம் வெளியாகி மக்களிடம் நல்ல வரவேற்பை பெற்று வரும் நிலையில், 'லவ் டுடே' திரைப்படத்தை தெலுங்கில் ஸ்ரீ வெங்கடேஸ்வர கிரியேஷன்ஸ் நிறுவனம் டப் செய்து வெளியிட்டது.
தெலுங்கில் வெளியான லவ் டுடே படத்தின் முதல் ஷோவை பார்த்து விட்டு சந்தோஷத்தில் இயக்குநர் பிரதீப்பை தூக்கி அமர்களப்படுத்திய ரசிகர் தொடர்பான வீடியோ நேற்று வைரலானது. முதல் காட்சிக்கு கிடைத்த வரவேற்பை தொடர்ந்து, அடுத்தடுத்த காட்சிகளில் ரசிகர்கள் தியேட்டரில் குவிய தொடங்கினர். படத்தை பார்த்து முடித்த ரசிகர்கள் அனைவரும் பிரதீப்பை சூழ்ந்து கொண்டு, அன்பு மழை பொழிந்து வருகின்றனர். இதனால் லவ் டுடே படம் ட்விட்டரில் ட்ரெண்டிங்கில் உள்ளது. அதுதொடர்பான வீடியோக்களும் இணையத்தில் பகிரப்பட்டு வருகிறது. தமிழில் 50 கோடி வசூலை பெற்ற இந்தப்படம், தெலுங்கிலும் இதுபோன்ற வசூலினை பெறும் என எதிர்ப்பார்க்கபடுகிறது.
மேலும் படிக்க : Samantha Throwback: நண்பர்களுடன் குறும்பான பானிபூரி டயட்... கலகலப்பான சமந்தாவை மிஸ் செய்யும் ரசிகர்கள்..!