லியோ படத்தில் தன்னுடன் இணைந்து நடித்த குழந்தை நட்சத்திரம் இயலை விஜய் தூக்கிக் கொஞ்சும் வீடியோ இணையத்தில் வைரலாகி வருகிறது.
லியோ படத்தின் வெற்றிவிழா இன்று சென்னை, நேரு உள்விளையாட்டு அரங்கில் நடைபெற்று வருகிறது. கடந்த அக்.19ஆம் தேதி வெளியான லியோ படம் 13 நாள்களைக் கடந்து வெற்றிகரமாக திரையரங்கில் ஓடி வருகிறது.
படத்தின் முதல் பாதி ரசிகர்களை ஈர்த்திருந்தாலும், இரண்டாம் பாதியும் ஃப்ளாஷ்பேக்கும் ரசிகர்களை பெரும் அதிருப்தியில் ஆழ்த்தின. எனினும் விமர்சனங்களைத் தாண்டி லியோ திரைப்படம் நல்ல வசூலை ஈட்டி வருகிறது. நேற்றுடன் ரூ.540 கோடிகளை லியோ படம் வசூலித்துள்ளது. முன்னதாக ரசிகர்களால் பெரிதும் எதிர்பார்க்கப்பட்ட லியோ இசை வெளியீட்டு விழா ரத்தான நிலையில், படத்தின் சக்சஸ் மீட் பற்றி அறிவிப்பு வெளியானது முதல் விஜய் ரசிகர்கள் உற்சாகத்தில் ஆழ்ந்தனர்.
இந்நிலையில் இன்று சென்னை, நேரு உள்விளையாட்டு அரங்கில் இன்று மாலை 6 மணிக்கு தொடங்கி லியோ படத்தின் வெற்றிவிழா நடைபெற்று வருகிறது. இந்த விழாவில் விஜய், த்ரிஷா, இயக்குநர் லோகேஷ் கனகராஜ், நடிகர்கள் அர்ஜூன், கௌதம் மேனன், மன்சூர் அலிகான், சாண்டி மாஸ்டர், காமெடி நடிகர் நெப்போலியன், மடோனா செபஸ்டியன், மிஷ்கின் என பல நட்சத்திரங்களும் கலந்துகொண்டுள்ளனர்.
இந்நிலையில், சந்தன நிற சட்டை, ப்ளூ பேண்ட் சகிதம் வந்த நடிகர் விஜய் ரசிகர்களை ஈர்த்து அப்ளாஸ் அள்ளினார். இயக்குநர்கள் மிஸ்கின், கௌதம் மேனன், நடிகை மடோனா செபஸ்டியன், நடிகர் மன்சூர் அலிகான், நடிகர் அர்ஜூன், நடிகை த்ரிஷா என வரிசையாகப் பேசி வருகின்றனர்.
இதனிடையே இப்படத்தில் விஜய்க்கு மகளாக நடித்த குழந்தை நட்சத்திரம் இயல் விழாவில் கலந்துகொண்டு பேசினார். அப்போது படம் முடிந்து தான் விஜய்யை மிகவும் மிஸ் செய்ததாகவும் அழுததாகவும் இயல் பேசினார்.
இதனை அடுத்து விஜய் தன் இருக்கையில் இருந்து எழுந்து ஓடி வந்து பேபி இயலை தூக்கியதுடன் அவருக்கு முத்தமிட்டு முத்தம் பெற்றுக் கொண்டார்.
இந்த க்யூட் மொமண்ட்ஸ் தொடர்பான வீடியோக்கள் தற்போது இணையத்தில் வைரலாகி வருகின்றன.
மேலும் படிக்க: LEO Success Meet LIVE: லியோ படத்தின் வெற்றி விழா.. விஜய்யை புகழ்ந்து தள்ளிய இயக்குநர் மிஷ்கின்..!