Leo Censor Board: லியோ படத்தின் டிரெய்லரை வெளியிட்ட திரையரங்கு உரிமையாளர்களுக்கு சென்சார் போர்டு நோட்டீஸ் அனுப்பியுள்ளது.
ஆபாச வார்த்தை பேசும் விஜய்:
லோகேஷ் கனகராஜ் இயக்கத்தில் விஜய் நடிக்கும் லியோ படம் வரும் 19ம் தேதி திரைக்கு வருகிறது. படத்தின் இசை வெளியீட்டு விழா நடைபெறாத நிலையில் கடந்த கடந்த 5ம் தேதி லியோ படத்தின் டிரெய்லர் வெளியாகும் என அறிவிக்கப்பட்டது. அதன்படி மாலை 6.30 மணியளவில் சன் டிவி யூடியூப் தளத்தில் லியோ டிரெய்லர் வெளியானது.
வழக்கமாக விஜய் படத்தின் டிரெய்லர் மற்றும் டீசரை சென்னை ரோகிணி திரையரங்குகளில் பிரமாண்ட திரையில் வெளியிடப்படும். அந்த வகையில், லியோவின் டிரெய்லரில் பெரிய அளவில் வெளியிடப்படும் என்ற எதிர்பார்ப்புடன் ரோகிணி திரையரங்கில் குவிருந்த ரசிகர்கள் தியேட்டரின் இருக்கைகளை உடைத்து சேதப்படுத்தினர். இது மட்டும் இல்லாமல் லியோ படத்தில் விஜய் ஆபாச வார்த்தை பேசிய காட்சி பலரையும் அதிர்ச்சிக்குள்ளாக்கியது.
தியேட்டர்களுக்கு நோட்டீஸ்:
படத்தில் இடம்பெற்றிருக்கும் ஆபாச வார்த்தையை நீக்க கோரி படக்குழுவுக்கு எதிராக காவல்நிலையத்தில் புகார் அளிக்கப்பட்டது. இந்த சூழலில் லியோ படத்தின் டிரெய்லரை வெளியிட்ட திரையரங்குகளுக்கு சென்சார் போர்டு நோட்டீஸ் அனுப்பி வைத்துள்ளது. அதில், திரையரங்குகளில் திரைப்படத்தையோ, டிரெய்லரையோ அல்லது விளம்பரங்களையோ வெளியிடுவதற்கு முன்பு சென்சார் போர்டின் தணிக்கை சான்றிதழ் பெற்றிருக்க வேண்டும் என்றும், லியோ டிரெய்லர் தணிக்கை சான்றிதழ் பெற்றிராத நிலையில் அதை எப்படி திரையில் வெளியிட்டீர்கள் என கேள்வி எழுப்பப்பட்டுள்ளது.
மேலும் தணிக்கை சான்றிதழ் இல்லாமல் டிரெய்லரை வெளியிட்டது கிரிமினல் அஃபென்ஸ் என்றும் நோட்டீஸில் குறிப்பிடப்பட்டுள்ளது. அடுத்த வாரம் பான் இந்தியா படமாக வெளியாகும் லியோ படத்தில் விஜய்யுடன் இணைந்து த்ரிஷா, சஞ்சய் தத், அர்ஜூன், மிஷ்கின், கவுதம் வாசுதேவ் மேனன் என பலர் நடித்துள்ளனர். படத்திற்கு அனிருத் இசை அமைத்துள்ளார். டிரெய்லரில் இரண்டு விஜய் இருப்பது போன்ற காட்சிகளால் விஜய் இரட்டை வேடத்தில் நடித்திருப்பார் என கூறப்படுகிறது. அதேநேரம் லியோ டிரெய்லரை பார்த்த பலரும், ஆங்கில படத்தின் காப்பியா என கருத்து கூறி வருகின்றனர்.
நான் ரெடி தான் பாடலுக்கு எதிர்ப்பு, இசை வெளியீட்டு விழா ரத்து, சிறப்பு காட்சிகள் ரத்து, திரையங்கிற்கு நோட்டீஸ் என லியோ படத்துக்கு எதிராக அடுத்தடுத்த சிக்கல்கள் வந்து கொண்டே உள்ளது.
மேலும் படிக்க: Actor Vijay: அன்புமணி ராமதாஸ்க்கு நடிகர் விஜய் பிறந்த நாள் வாழ்த்து