தெலுங்கு சினிமாவில் முன்னணி நடிகருள் ஒருவராக இருப்பவர் நாகர்ஜூனா. மகன் நாக சைத்தன்யா ஒரு பக்கம் ஹீரோவாக கலக்கிக்கொண்டிருக்க, நாகர்ஜூனாவும் மகனுக்கே டஃப் கொடுக்கும் அளவுக்கு பல படங்களில் கதாநாயகனாக நடித்து வருகிறார். அதுமட்டுமல்லாமல் பிக்பாஸ் நிகழ்ச்சியையும் தொகுத்து வழங்கிக்கொண்டிருக்கிறார். நாகர்ஜுனா தற்போது ‘தி கோஸ்ட்’ என்ற படத்தில் நடித்து வருகிறார்.
இந்தப் படத்தை பிரவீன் சட்டாரா இயக்கிவருகிறார். இந்தப் படத்தின் ஃபர்ஸ்ட் லுக் போஸ்டர் சமீபத்தில் வெளியாகி இணையத்தில் தீயாய் பரவியது. படத்தில் நாகர்ஜுனாவிற்கு ஜோடியாக காஜல் அகர்வால் ஒப்பந்தமாகியிருந்தார்.
ஆனால் அவர் கர்ப்பமாக இருப்பதால் இப்படத்திலிருந்து விலகிவிட்டார். காஜலுக்கு பதிலாக நாகார்ஜுனாவுக்கு ஜோடியாக இலியானாவை படக்குழு ஒப்பந்தம் செய்ததாக தகவல் வெளியானது. இந்நிலையில் காஜலுக்கு பதில் பாலிவுட் நடிகை சோனல் சவுகான் ஒப்பந்தம் செய்யப்பட்டுள்ளார்.
முன்னதாக, ஷங்கர் இயக்கத்தில் கமல் நடிக்கும் இந்தியன் 2 படத்திலிருந்து காஜல் அகர்வால் விலகியிருந்தார். அதற்கும் அவர் கர்ப்பமாக இருப்பதே காரணம் என கூறப்படுகிறது.
மேலும் காஜல் அகர்வால் சமீபத்தில் அளித்த பேட்டி ஒன்றில், எனது கணவர் மற்றும் குடும்ப உறுப்பினர்களிடமிருந்து, எனக்கு நல்ல ஆதரவு கிடைத்துவருகிறது. இந்த விஷயம் சினிமாவில் கவனம் செலுத்துவதற்கு மிக எளிதாக உள்ளது. எவ்வளவு காலம் இது நீடிக்கும் என்பது எனக்கு தெரியவில்லை.
எனது கணவர் கெளதம் எப்பொழுது என்னை படங்களில் நடிக்கவேண்டாம் என்று சொல்கிறாரோ அப்பொழுது நான் நடிப்பதில் இருந்து விலகிவிடுவேன். தற்பொழுது நான் எனது வேலையில் அதிகம் கவனம் செலுத்தி வருகிறேன்.
மேலும் சில படங்களை நான் முடிக்க வேண்டும். இந்த கொரோனா ஊரடங்கு காரணமாக படப்பிடிப்புகள் நிறுத்தி வைக்கப்பட்டுள்ளது அவை முடிந்தவுடன் எனது இதர கடமைகளை முடித்துவிட்டு பின்பு எனது முடிவுகளை எடுப்பேன்“ என கூறியிருந்தார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
மேலும் வாசிக்க: Global Community Oscars | இதுவும் ஆஸ்கர்தான்.. ஆனா அது இல்ல.! சூர்யா - ஜோதிகா, உதயநிதிக்கு ஆஸ்கர் விருது அறிவிப்பு!