தமிழ் திரையுலகின் மிகவும் பிரபலமான இயக்குனர் கார்த்திக் சுப்பராஜ். பீட்சா படம் மூலமாக இயக்குனராக அறிமுகமான இவர் ஜிகர்தண்டா, இறைவி, மகான், பேட்ட போன்ற பல படங்களை இயக்கியுள்ளார்.
ரெட்ரோ:
இவர் கடைசியாக நடிகர் சூர்யாவை வைத்து ரெட்ரோ படத்தை இயக்கியிருந்தார். ஆனால், அந்த படம் எதிர்பார்த்த வெற்றியைப் பெறவில்லை. இந்த நிலையில், ரெட்ரோ படத்தின் தோல்வி குறித்து அவர் பிரபல இயக்குனரும், நடிகருமான சித்ரா லட்சுமணனுக்கு அளித்த பேட்டியில் விளக்கமாக கூறியிருப்பார்.
தோல்வி ஏன்?
அதில், அவர் கூறியிருப்பதாவது, ரெட்ரோ படத்தின் உண்மையான பெயர் தம்மம். அதான் நான் வைத்திருந்தேன். தம்மம் என்பது ஒருவன் அவன் வாழ்க்கையின் அர்த்தத்தை தேடிப்போகவில்லை. ஒவ்வொருவரின் வாழ்க்கைக்கும் ஒரு அர்த்தம் இருக்கும். நடக்கும் நிகழ்வுகள் வாழ்வின் அர்த்தத்திற்கு கொண்டு சேர்க்கும் என்பதே படத்தின் கதை.
அதில் அவனுக்கும் நடக்கும் காதல், சிறையில் சந்தித்து அவன் செல்லும் இடமும் அந்த நோக்கத்திற்கான வழிகாட்டாகத்தான் இருந்தது. ஆனால், அதை மொத்தமாக வணிக ரீதியாக பெரிய ஹீரோவாக வைத்துப் பண்ணும்போது அதை வேறு மாதிரியாக பண்ணியிருந்தேன். ரெட்ரோ என்று தலைப்பு வைத்து காதல் கதை மாதிரி சென்றபோது எதிர்பார்ப்பு வேறு மாதிரி வந்துவிட்டது.
இந்த விஷயங்கள் பல விஷயங்களாக பலரும் உணருவது போல இருந்ததாக பலரும் கூறினார்கள். ஏராளமான நல்ல விஷயங்களும் கூறினார்கள். பலரும் இரண்டாம் பாதி எங்களுக்கு மனதுக்கு நெருக்கமாகவே இல்லை என்று கூறினர். கதை எங்கெங்கேயோ போகிறது என்றனர்.
கதை ஆசிரியராக எனக்கு புத்தரை பின்தொடரும் ஒரு பெண், கிருஷ்ணரை அந்த அவதாரத்தை அடைய வைத்ததற்கான இடம்தான் என்று இருக்கும். இவ்வாறு அவர் கூறியிருப்பார்.
ரசிகர்கள் ஏமாற்றம்:
நடிகர் சூர்யாவிற்கு அதற்கு முந்தைய படமான கங்குவா எதிர்பார்த்த வெற்றியைப் பெறாத சூழலில், ரெட்ரோ படம் மீது மிகப்பெரிய எதிர்பார்ப்பு இருந்தது. இந்த படத்தில் சூர்யாவுடன் இணைந்து பூஜா ஹெக்டே, ஜெயராம், ஜோஜு ஜார்ஜ், நாசர், பிரகாஷ்ராஜ், கருணாகரன், சுவாசிகா, சிங்கம்புலி, ப்ரேம்குமார் என பெரிய பட்டாளமே நடித்திருப்பார்கள்.
சந்தோஷ் நாராயணன் இசையமைத்திருப்பார். ஸ்டோன்பெஞ்ச் ப்லிம்ஸ் 2டி என்டர்டெயின்மெண்ட் இந்த படத்தை தயாரித்திருப்பார்கள். 65 கோடி பட்ஜெட்டில் உருவாகிய இந்த படம் சுமார் 100 கோடி முதல் 200 கோடி வரை வசூலித்ததாக படக்குழு தெரிவித்தது. ஆனால், ரசிகர்களிடம் எதிர்பார்த்த வெற்றியை படம் பெறவில்லை என்பது குறி்ப்பிடத்தக்கது.
பீட்சா படத்தில் நடிக்கமாட்டேனு சொன்னவங்க யார்? யார்? தெரியுமா?