பிக் பாஸ் தமிழ் சீசன் 5-ஐ அடுத்து ஓடிடியில் ஒளிபரப்பாக இருக்கிறது பிக் பாஸ் அல்டிமேட். இந்த நிகழ்ச்சியில் கலந்து கொள்ளும் போட்டியாளர்களில் ஓவியாவின் வரவை எதிர்ப்பார்த்துதான் ரசிகர்கள் காத்திருக்கின்றனர். இந்நிலையில், கடைசி நேரத்தில் நிகழ்ச்சியில் இருந்து அவர் விலகி இருப்பதாக தகவல் கசிந்துள்ளது.


பிக் பாஸ் அல்டிமேட் நிகழ்ச்சிகாக  13 போட்டியாளர்களுடன் 42 நாட்களுக்கு தொகுத்து வழங்கும் வகையில், இந்த நிகழ்ச்சி தயாரிக்கப்பட்டு வருகிறது. இந்த புதிய நிகழ்ச்சியில் பிக்பாஸில் டைட்டில் வெற்றியாளர்களைத் தவிர மற்ற பிக்பாஸ் சீசன் போட்டியாளர்களும் பங்கேற்பார்கள் என்றும் தெரிவிக்கப்பட்டது. இந்நிலையில், டிஸ்னி பிளஸ் ஹாட்ஸ்டார் ஓடிடி தளத்தில் இந்த நிகழ்ச்சி ஒளிபரப்பாக உள்ளது. பிக் பாஸ் அல்டிமேட் 24*7 பிக் பாஸ் தமிழ் OTT என்னும் பெயரில் இதற்கான லோகோவை சிவகார்த்திகேயன் சீசன் 5-ன் இறுதிபோட்டியன்று வெளியிட்டார்.


மேலும் படிக்க: எல்லாத்தையும் ஓரம் கட்டும் கயல்.. கதை இப்படினா ரீச் இப்படிதான்! இது சீரியல் டிஆர்பி!








ஏற்கனவே, இந்த பிக் பாஸ் அல்டிமேட் வீட்டின் முதல் போட்டியாளராக பிக்பாஸ் தமிழ் 1 சீசனில் பங்கேற்று இரண்டாம் இடத்தை பிடித்த பாடலாசிரியர் சினேகன் வர இருப்பதாக அதிகாரபூர்வமாக தெரிவிக்கப்பட்டது. அதேபோல், அதே சீசனில் பங்குபெற்ற ஜூலியும் இரண்டாவது போட்டியாளராக அறிமுகப்படுத்தப்பட்டார். அடுத்ததாக, வணிதா வருவதாக அறிவிப்பு வெளியானது. நான்காவது போட்டியாளராக சுரேஷ் சக்கரவர்த்தியும், ஐந்தாவதாக அபிராமியும், அடுத்து பாலஜியும் இணைந்துள்ளதாக தகவல் வெளியானது. இந்நிலையில், பிக் பாஸ் நிகழ்ச்சியில் இருந்து ஓவியா விலகி இருப்பது ரசிகர்களுக்கு ஏமாற்றத்தை அளித்திருக்கிறது.



உடல் நலம் சரி இல்லாத காரணத்தால், பிக் பாஸ் அல்டிமேட் நிகழ்ச்சியில் ஓவியா பங்கேற்க மாட்டார் என தகவல் கிடைத்துள்ளது. முக்கியமான போட்டியாளர் இல்லை என்பதால், ஓவியாவுக்கு நிகராமக வேறு ஒரு பிரபல போட்டியாளரை களத்தில் இறக்க பிக் பாஸ் குழு முடிவு செய்திருப்பதாக தெரிவிக்கப்பட்டுள்ளது.




மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்


ABP நாடு செய்திகளை சமூக வலைத்தள பக்கங்களிலும் பின் தொடரலாம்


பேஸ்புக் பக்கத்தில் தொடர


ட்விட்டர் பக்கத்தில் தொடர


யூடிபில் வீடியோக்களை காண