பாகுபலி நடிகர் பிரபாஸ் நடிக்கும் ஆதிபுருஷ் படத்தின் டீசர் வெளியானது. இப்படம் அடுத்த வருடம் ஜனவரி மாதம் 12 ஆம் தேதி வெளியாகும் என தெரிவிக்கப்பட்டுள்ளது
பட குழுவினர்:
பாலிவுட்டில் வெளியான 'தன்ஹாஜி: தி அன்சங் வாரியர்' என்ற படத்தை இயக்கி, தேசிய விருதை வென்ற இயக்குநர் ஓம் ராவத் இயக்கத்தில் தயாராகி இருக்கும் திரைப்படம் 'ஆதி புருஷ்'. இதில் பிரபாஸ் கதையின் நாயகனாக நடிக்க, அவருக்கு ஜோடியாக பாலிவுட் நடிகை கீர்த்தி சனோன் நடித்திருக்கிறார்.
இவர்களுடன் முன்னணி நட்சத்திர நடிகர்களான சயீஃப் அலி கான் மற்றும் சன்னி சிங் ஆகியோர் நடித்திருக்கிறார்கள். பாகுபலிக்கு பிறகு வெளியான ‘சாஹோ’ மற்றும் ‘ராதே ஷ்யாம்’ ஆகிய படங்கள் தோல்வியை சந்தித்த நிலையில் இந்தப்படத்தின் வாயிலாக வெற்றியை கொடுத்தே ஆக வேண்டும் என்று கட்டாயத்திற்கு தள்ளப்பட்டிருக்கிறார் பிரபாஸ்.
நடிகை க்ருத்தி சானோன்:
ஆதிபுருஷ்’ திரைப்படம் ராமாயணத்தை அடிப்படையாகக் கொண்டது எனவும், நடிகை க்ருத்தி சானோன், சீதையின் வேடத்தில் நடிக்கிறார் எனவும் அவர் கூறியுள்ளார்.
அனைத்துத் தரப்பு பார்வையாளர்களையும் மகிழ்விப்பதற்காக அவர் மீது எழுந்துள்ள பொறுப்பின் மீது தனக்கு பயம் இல்லை எனக் கூறியுள்ளார் நடிகை கிருதி சனோன். `நான் ஏற்று நடித்த பிற கதாபாத்திரங்களிலும் நான் இதே போன்ற பொறுப்புடனேயே நடித்திருக்கிறேன். முதலில் நான் ஒவ்வொரு கதாபாத்திரமும் என்ன உணர்கிறது, எதற்காகப் போராடுகிறது என்பதைப் புரிந்துகொள்ள வேண்டும். மக்களுள் ஒரு தரப்பினருக்குப் பிடிக்காமல் போய்விடுமோ என்ற அச்சத்துடன் யாராலும் கதாபாத்திரங்களை ஏற்று நடிக்க முடியாது’ எனக் கூறியுள்ளார் நடிகை க்ருத்தி சானோன்
டீசர் வெளியானது:
இதனால் 'ஆதி புருஷ்' படத்தின் அறிவிப்பு வெளியானது முதல் ரசிகர்களிடத்தில் இப்படத்தை பற்றிய ஆர்வமும், எதிர்பார்ப்பும் ஏற்பட்டது. இந்த நிலையில் படத்தில் இருந்து புதிய அப்டேட்டாக இந்தப்படத்தின் டீசர் இன்று (அக்டோபர் 2) வெளியானது.
ஜெய்ஸ்ரீராம் கோஷத்துடன் படத்தின் வெளியாகியுள்ள டீசரில், தீமைக்கும், நன்மைக்கும் இடையேயான போட்டி குறித்து, ராமாயணத்தை மையப்படுத்தி இப்படம் தயாராகியுள்ளதாக கூறப்படுகிறது.
3டி தொழில்நுட்பம்:
டி சிரீஸ் மற்றும் ரெட்ரோஃபைல்ஸ் ஆகிய முன்னணி பட தயாரிப்பு நிறுவனங்களின் தயாரிப்பில், அகில இந்திய அளவில் பிரமாண்டமான பட்ஜெட்டில் உருவாகி இருக்கும் 'ஆதி புருஷ்' திரைப்படம், ஐமேக்ஸ் மற்றும் 3 டி யில் அடுத்த ஆண்டு ஜனவரி மாதம் 12ஆம் தேதி அன்று வெளியாகிறது என்பது குறிப்பிடத்தக்கது.
Also Read: IND vs SA 2nd T20I LIVE: சதம் கடந்த மில்லர்... வரலாறு படைத்த இந்தியா.. தென்னாப்பிரிக்கா தோல்வி