தமிழ்நாட்டில் உள்ள 21 மாநகராட்சிகள், 138 நகராட்சிகள் மற்றும் 490 பேரூராட்சிகள் ஆகியவற்றிற்கு கடந்த 19ஆம் தேதி ஒரே கட்டமாக தேர்தல் நடைபெறுகிறது. மொத்தம் 1,374 மாநகராட்சி உறுப்பினர்கள், 3,843 நகராட்சி உறுப்பினர், 7,621 பேரூராட்சி உறுப்பினர் பதவிகள் என மொத்தமாக 12,838 பதவிகளுக்கு தேர்தல் நடைபெற்றது. அந்தத் தேர்தலில் பதிவான வாக்குகள் இன்று காலை முதல் எண்ணப்பட்டு வருகிறது. தமிழ்நாடு முழுவதும் 30 ஆயிரத்திற்கும் மேற்பட்ட அலுவலர்கள் வாக்கு எண்ணும் பணியில் ஈடுபட்டுள்ளனர்.
இந்நிலையில், சேலம் மேட்டூர் நகராட்சி வார்டு உறுப்பினர்கள் பதவிக்கு போட்டியிட்ட திராவிட முன்னேற்ற கழகத்தைச் சேர்ந்த கணவன், மனைவி இருவர் வெற்றி பெற்றுள்ளனர். மேட்டூர் நகராட்சி 1வது வார்டில் போட்டியிட்ட மனைவி உமா மகேஸ்வரி 14வது வார்டில் கணவர் வெங்கடாசலம் வெற்றி பெற்றுள்ளார்.
இதே போல, விருதுநகர் மாவட்டம் ராஜபாளையம் நகராட்சியில் திராவிட முன்னேற்ற கழகம் சார்பில் 6வது வார்டில் போட்டியிட்ட மனைவி பவித்ரா, 40வது வார்டில் போட்டியிட்ட கணவன் ஷ்யாம் ஆகியோரும் வெற்றி பெற்று அசத்தியுள்ளனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்