Andhra Pradesh Assembly Election Results 2024: ஆந்திரா சட்டமன்ற தேர்தலில் நடிகரும் ஜனசேனா கட்சியின் தலைவரான நடிகர் பவன் கல்யாண் 1,32,725 வாக்குகளுடன் வெற்றியை உறுதி செய்துள்ளார்.
தெலுங்கு சினிமாவின் பிரபல நடிகர் பவன் கல்யாண். இவருக்கு ஏராளமான ரசிகர்கள் இருக்கின்றனர். ஜனசேனா கட்சியின் தலைவர், இவரது கட்சி. மக்களவைத் தேர்தல் மற்றும் ஆந்திர சட்டசபைத் தேர்தலில் பா.ஜ.க. – தெலுங்கு தேசம் ஆகிய கட்சிகளுடன் கூட்டணி அமைத்ததது.
வாக்கு எண்ணிக்கை நடைபெற்று வரும் நிலையில், ஆந்திராவில் ஜெகனின் ஒய்எஸ்ஆர் காங்கிரஸை விட நடிகர் பவன் கல்யாணின் ஜனசேனா கட்சி அதிக இடங்களில் முன்னிலை பெற்று இரண்டாவது இடத்தில் உள்ளது. பவன் கல்யாண் தனது முதல் வெற்றி பெற்று சட்டசபைக்கு செல்லும் வாய்ப்பை உறுதி செய்துள்ளார்.
ஆந்திராவில் உள்ள பிட்டாபுரம் சட்டமன்றத் தொகுதியில் வலுவான முன்னிலையுடன் தனது முதல் தேர்தல் வெற்றியை பதிவு செய்ய இருக்கிறார். பவன் கல்யாண் தற்போது வரை 63,556 வாக்குகள் பெற்றுள்ளார். இதன்மூலம் 69,169 வாக்குகள் வித்தியாசத்தில் முதல் வெற்றியை நோக்கி முன்னேறி வருகிறார் பவன் கல்யாண்.
பவன் கல்யாணின் ஜனசேனா போட்டியிட்ட 21 இடங்களில் 19 இடங்களில் முன்னிலையில் உள்ளது. அதேநேரம், ஜெகன் மோகன் ரெட்டியின் ஒய்எஸ்ஆர் காங்கிரஸ் 18 இடங்களில் முன்னிலை வகிக்கிறது. பாலகொண்டா தொகுதியில் ஒய்எஸ்ஆர் காங்கிரஸ் வேட்பாளருக்கும், ஜனசேனா வேட்பாளருக்கும் இடையே 250 வாக்குகள் வித்தியாசமே உள்ளது. இந்நிலையில், பவன் கல்யாண் எதிர்கட்சியாகும் வாய்ப்பு அதிகம் இருக்கும் நிலையில், அவரது ரசிகர்கள் வாழ்த்து தெரிவித்து வருகின்றனர்;உற்சாகத்துடன் மகிழ்ச்சியை கொண்டாடி வருகின்றனர். பவன் கல்யாண் அவரது வீட்டில் மனைவி, தொண்டர்களுடன் வெற்றியை கொண்டாட தயாராகி வருகிறார்.
கடந்த 2019-ல் இவர் போட்டியிட்ட 2 தொகுதிகளிலும் தோல்வியை சந்தித்தார். ஆனால், இம்முறை வெற்றியை உறுதி செய்துள்ளார்.
திரைப்பிரபலங்கள் வாழ்த்து:
இதற்கு திரை பிரபலங்கள் வாழ்த்து தெரிவித்து வருகின்றனர். நடிகை காஜல் அகர்வால்,” உங்கள் வெற்றிக்கு வாழ்த்துகள். ஈடு இணையில்லா உழைப்பும் ஈடுபாடும் இந்த வெற்றியை உங்களுக்கு அளித்துள்ளது. ” என்று எக்ஸ் தளத்தில் குறிப்பிட்டுள்ளார்.
தெலுங்கு திரையுலகின் சூப்பர் ஸ்டார் அல்லு அர்ஜூன் “பவன் கல்யாண் அவர்களுக்கு இதயம் நிறைந்த வாழ்த்துகள். உங்களின் கடின உழைப்பும் ஈடுபாடும் பெரும் வெற்றிக்கு வித்திட்டுள்ளது. புதிய பயணத்திற்கு வாழ்த்துகள்" என்று குறிப்பிட்டுள்ளார்.
நடிகர் நானி, ”மாபெரும் வெற்றிக்கு எனது வாழ்த்துகள். இந்த மாநிலத்தின் வளர்ச்சிக்கு உங்களது பங்களிப்பு இருக்கும் என்று நம்புகிறோம்.” என்று தெரிவித்துள்ளார்.
மேலும் வாசிக்க..