திருமணத்தை மீறிய பந்தம் எப்போதும் பிரச்னையில் முடிந்துவிடும். அந்தவகையில் திருமணத்தை மீறிய பந்தம் வைத்திருந்த பெண் ஒருவர் கொலை செய்யப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது.
உத்தரபிரதேச மாநிலத்தின் பிஜ்னோய் பகுதியில் கடந்த 19ஆம் தேதி வயல் வெளியில் ஒரு பெண்ணின் சடலம் கிடந்துள்ளது. இது தொடர்பாக காவல்துறைக்கு புகார் வந்துள்ளது. அந்தப் புகாரைத் தொடர்ந்து காவல்துறையினர் அப்பெண்ணின் உடலை கைப்பற்றி விசாரணை நடத்தியுள்ளனர். மேலும் அந்த உடலை பிரேத பரிசோதனை செய்ய அனுப்பியுள்ளனர். அதில் அப்பெண் கழுத்து நெரிக்கப்பட்டு கொலை செய்யப்பட்டிருப்பது கண்டறியப்பட்டுள்ளது.
இந்த வழக்கில் விசாரணை நடத்திய போது காவல்துறையினருக்கு பல திடுக்கிடும் தகவல்கள் தெரியவந்துள்ளன. அதன்படி உயிரிழந்துள்ள பெண் கும்கும் என்பது தெரியவந்தது. அவருக்கும் விஷால் என்ற நபருக்கும் திருமணத்தை மீறிய பந்தம் இருந்துள்ளதாக தெரிகிறது. விஷால் என்பவர் கும்குமின் கணவரின் உறவினராக இருந்துள்ளார்.
மேலும் படிக்க:நரபலி கொடுப்பதற்காக குழந்தை கடத்தல்? ஆறு பேர் கைது! புனேயில் அதிரவைக்கும் சம்பவம்!
கும்குமின் கணவர் ஹரிதுவாரில் தங்கி பணியாற்றி வருகிறார். இதன்காரணமாக கடந்த ஓராண்டிற்கு மேலாக விஷால் மற்றும் கும்கும் இடையே திருமணத்தை மீறிய பந்தம் இருந்துள்ளதாக கூறப்படுகிறது. இந்தச் சூழலில் திடீரென்று விஷால் உடன் இருந்த உறவை கும்கும் நிறுத்தியுள்ளதாக தெரிகிறது.
அதைத் தொடர்ந்து விஷால் மிகுந்த வருத்தத்தில் இருந்துள்ளதாக கூறப்படுகிறது. அப்போது அவர் இது தொடர்பாக தன்னுடைய நண்பர்களிடம் கூறியுள்ளார். அவர்கள் அனைவரும் சேர்ந்து கும்குமை ஒரு வயலில் வைத்து பாலியல் வன்கொடுமை செய்ய திட்டம் திட்டியுள்ளனர். அதன்படி அவர்கள் கும்குமை கடந்த 19ஆம் தேதி வயலில் வைத்து பாலியல் வன்கொடுமை செய்ய முயன்றுள்ளதாக தெரிகிறது. அந்த சமயத்தில் கும்கும் கத்தியுள்ளதால் அவரை இவர்கள் கொலை செய்துள்ளது தெரியவந்துள்ளது. இந்தச் சம்பவம் தொடர்பாக வழக்குப்பதிவு செய்து காவல்துறையினர் விஷால் மற்றும் அவருடைய நண்பர்களை தேடி வருகின்றனர். திருமணத்தை மீறிய பந்தம் காரணமாக பெண் ஒருவர் கொலை செய்யப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்