Crime : ராஜஸ்தானில் 15 வயது சிறுமியை, வளர்ப்பு தந்தையே பாலியல் வன்கொடுமை செய்தது பெரும் அதிர்ச்சியை ஏற்படுத்தியுள்ளது.
ராஜஸ்தான் மாநிலம் கோட்டா நகரைச் சேர்ந்தவர் 15 வயது சிறுமி. அவரது தாய் சில நாட்களுக்கு முன்பு இறந்துவிட்டதாக கூறப்படுகிறது. இதனால் இவரது பள்ளிப் படிப்பு பாதியில் நிறுத்திவிட்டார். பின்பு, கோட்டா நகரில் இருக்கும் வளர்ப்பு தந்தை வீட்டில் வசித்து வந்தார்.
சிறுமிக்கு பாலியல் வன்கொடுமை
அப்போது, கடந்த மூன்று முதல் நான்கு மாதங்களாக 15 வயது சிறுமியை அவரது வளர்ப்பு தந்தை பாலியல் வன்கொடுமை செய்துள்ளதாக கூறப்படுகிறது. இதனால் பாதிக்கப்பட்ட சிறுமியானது அவரது உறவினர்களிடம் இதுகுறித்து தெரிவித்தார். பின்பு அவரது உறவினர்களுடன் மாவட்ட காவல்நிலையத்திற்கு சென்று புகார் அளித்தார். புகாரின் பேரில் அந்த நபரை போலீசார் போக்சோ உள்ளிட்ட 10 பிரிவுகளின் கீழ் வழக்குப்பதிவு செய்து நேற்று கைது செய்தனர். பின்பு அவரை 15 நாட்கள் நீதிமன்ற காவலில் வைக்க உத்தரவிடப்பட்டுள்ளது. இந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.
மற்றொரு சம்பவம்
முன்னதாக, சில நாட்களுக்கு முன்பு, மத்திய பிரதேச மாநிலத்தின் குவாலியர் பகுதியில் ஒரு தம்பதி ஒன்று வசித்து வந்துள்ளது. இந்த தம்பதி இருவருக்கும் 9வயதில் பெண் குழந்தை ஒன்று இருந்துள்ளது. தம்பதியினர் இடையே அடிக்கடி சண்டை வருவது வழக்கமாக இருந்து வந்துள்ளது. இந்தச் சூழலில் கடந்த வாரம் சண்டை பெரிதாகி உள்ளதாக தெரிகிறது. இதன்காரணமாக கணவருடன் சண்டை இட்டு மனைவி தன்னுடைய தாய் வீட்டிற்கு சென்றுள்ளதாக கூறப்படுகிறது.
இந்த நேரத்தில் அவர்களுடைய 9 வயது சிறுமி தன்னுடைய தந்தையுடன் இருந்துள்ளது. மனைவியுடன் ஏற்பட்ட சண்டை காரணமாக அந்த நபர் குடித்துவிட்டு வீட்டிற்கு வந்துள்ளதாக தெரிகிறது. அந்த சமயத்தில் அவர் வீட்டில் இருந்த தன்னுடைய 9வயது மகளை பாலியல் வன்கொடுமை செய்துள்ளதாக தெரிகிறது. அத்துடன் இந்த விஷயத்தை வெளியே கூறினால் கொன்றுவிடுவதாக அவர் மிரட்டிவிட்டு வீட்டிலிருந்து தப்பி ஓடியுள்ளார். பாதிக்கப்பட்ட சிறுமியின் தாய் அளித்த புகாரின்படி போலீசார் கைது செய்து சிறையில் அடைத்தனர்.
மேலும் படிக்க