காதலர் தினத்தில் கவிதை சொல்லலனா எப்படி?

காதலர் தினத்தில் உங்கள் அன்புக்குரியவர்களுக்கு விலை உயர்ந்த கிஃப்ட்ஸ் கொடுக்கமுடியவில்லை என்றால் என்ன? சிறிய கவிதை கூறலாம் அல்லவா?

உங்கள் அன்புக்குரியவர்களை மகிழ்விக்க சில காதல் கவிதைகள்...

வேரும் மலரும் காதல் கொண்டால் சருகானால்தான் முத்தம் - நேசமித்ரன்

எவ்வளவு இருக்கிறாய்? எடுத்துக் கொள்ளவோ இழந்து போகவோ, போதுமா இந்த ஒரு பொழுது, இந்த ஒரு வாழ்க்கை - மனுஷ்ய புத்திரன்

காதல் என்பது இறையனுபவம், எந்தச் சொற்களாலும் உணர்த்திவிட முடியாதது அது - தேவதேவன்

அவளைக் கண்டதும் மூளைக்கு வாலும் இதயத்திற்கு வாலும் முளைக்குமா? - ஜெ.பிரான்சிஸ் கிருபா

பூமிக்குப் பாரமாக இருக்கிறாய், காதல் செய்து காற்றில் இறகாகு! - யாத்திரி

கலைந்த கூந்தலை நீ வாரிக்கொண்டிருக்கிறாய், ஒழுங்காய் இருந்த என்மனம் கலைகின்றது - கவிக்கோ அப்துல்ரகுமான்

அவன் எழுதும்போது கவிதை காதலாகிறது - கவிஞர் சுகுமாறன்

எப்படி வாசிப்பது, மேலிருந்து கீழாகவா, கீழிருந்து மேலாகவா, உன் உதட்டில் எழுதப்பட்டிருக்கும் கவிதையை - தபூ சங்கர்

உங்கள் காதலை வெளிப்படுத்த சிறந்த மொழி கவிதை மொழிதான். உங்கள் காதலருக்கு நீங்கள் என்ன கவிதை சொல்லப்போகிறீர்கள்?