அடிக்கடி கால் இழுக்குதா? தசைபிடிப்பிற்கான காரணங்கள் என்ன?

போதுமான தண்ணீர் குடிக்கவில்லை என்றால் தசைகள் சரியாக வேலை செய்யாமல் கால்களில் பிடிப்பு மற்றும் மரத்துப்போதல் ஏற்படும்.

மெக்னீசியம் தசைகளின் செயல்பாட்டிற்கு முக்கியமானது. இதன் குறைபாடு காரணமாக கால்களில் உள்ள தசைகள் அடிக்கடி பிடித்துக்கொள்ளலாம்.

பொட்டாசியம் குறைபாடு காரணமாக தசைகள் சுருங்குவதில் சிக்கல் ஏற்பட்டு கால்களில் பிடிப்பு ஏற்படலாம்.

கால்சியம் எலும்புகளுக்கு மட்டுமல்ல, தசைகளின் செயல்பாட்டிற்கும் அவசியம். குறைபாடு இருந்தால் தசை வலி, பிடிப்பு ஏற்படலாம்.

ஒரே நிலையில் அதிக நேரம் இருப்பதால் கால்களில் ரத்த ஓட்டம் குறைந்து தசைகள் இறுக்கமாகலாம்.

அதிகமாக நடப்பது, ஓடுவது அல்லது உடற்பயிற்சி செய்வது தசைகளில் அழுத்தத்தை ஏற்படுத்தி கால்களில் பிடிப்பை ஏற்படுத்தலாம்.

கால்களுக்கு சரியான ரத்த ஓட்டம் இல்லையென்றால் வலி, மரத்துப்போதல், இழுப்பது போன்ற உணர்வு ஏற்படும்.

சயாடிகா அல்லது மற்ற நரம்பு சம்பந்தமான பிரச்சினைகளால் கூட கால்கள் இழுப்பது போல் தோன்றலாம்.

கர்ப்பிணிப் பெண்களில் ஹார்மோன் மாற்றங்கள், தாதுக்களின் குறைபாடு, எடை அதிகரிப்பு காரணமாக கால்களில் பிடிப்பு ஏற்படுவது பொதுவாகக் காணப்படும்.

சர்க்கரை நோய் சிறுநீரக நோய் தைராய்டு பிரச்சனைகள் அல்லது சில மருந்துகளின் பக்க விளைவுகளால் கூட கால்கள் அடிக்கடி இழுக்கப்படலாம்.