யமஹாவின் ஆடியோ சாதனங்கள் ஏற்கெனவே டெக் சந்தையில் நல்ல ரீச்சைப் பெற்றுள்ளன. இந்நிலையில் யமஹா புதிதாக இரண்டு ட்ரூலி வயர்லெஸ் இயர்பட்ஸ்களைக் (Truly wireless earbuds) யமஹா அறிமுகப்படுத்தியுள்ளது.
யமஹா நிறுவனம் TW-E3B மற்றும் TW-E5B என புதிதாக இரண்டு இயர்பட்ஸ்களை அறிமுகப்படுத்தியுள்ளது.
ஏற்கெனவே இசைக் கருவிகளுக்கென பெயர் பெற்ற யமஹா நிறுவனம், கடந்த ஆண்டு True Wireless Stereo எனப்படும் TWS இயர் பட்ஸ் சந்தையில் நுழைந்தது.
இந்நிலையில், யமஹா TW-E3B மற்றும் TW-E5B ஆகிய இந்தப் புதிய இயர்பட்ஸ் மூலம், ’ட்ரூ சவுண்ட்’ என ஒலியின் தரத்தை முன்னிறுத்தியும் பல்வேறு அம்சங்கள் மற்றும் தொழில்நுட்பங்கள் மூலம் கேட்போரை இசைக்கு நெருக்கமாகக் கொண்டுவரும் உறுதிமொழியுடனும் இந்த இயர்பட்ஸ்களை அறிமுகப்படுத்தியுள்ளது.
விலை
Yamaha TW-E3B இன் இந்திய விலை - ரூ.8490
TW-E5Bஇன் விலை ரூ.14,900.
- சிறப்பு அம்சங்கள்
- இந்த இயர்பட்கள் கருப்பு மற்றும் நீல நிறங்களில் கிடைக்கின்றன.
- காதுகளின் உணர்திறன் பண்புகளை கருத்தில் கொண்டும் பாதுகாப்பு அம்சங்களைக் கருத்தில் கொண்டும் இந்த இயர்பட்ஸ் வடிவமைக்கப்பட்டுள்ளது.
- சவுண்ட் அளவை நிர்வகித்தல், இடை நிறுத்துதல், பாடலை இயக்குதல் என பயனர்களுக்கு உதவும் தொடு கட்டுப்பாடுகளுடன் இந்த இயர்பட்ஸ் வருகிறது.
- மேலும் இந்த இயர்பட்களை நிறுவனத்தின் ஹெட்ஃபோன்கள் கன்ட்ரோலர் ஆப்களுடன் இணைக்க முடியும்.
- கேம் பிரியர்களுக்கான கேமிங் பயன்முறை இதில் உள்ளது, ஒலி மற்றும் வீடியோ இடையே உள்ள தாமதத்தை இந்த இயர்பட்ஸ் குறைக்கிறது,
- அமேசான் மற்றும் அதிகாரப்பூர்வ யூடியூப் தளத்தின் வாயிலாக இவற்றை வாங்கலாம்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்